ఆసక్తిని రేకెత్తిస్తున్న 'శాకినీ డాకిని' టీజర్
cinema | Suryaa Desk | Published : Tue, Aug 23, 2022, 05:54 PM
రెజీనా కస్సాండ్ర, నివేదా థామస్ మెయిన్ లీడ్ రోల్స్ లో నటిస్తున్న 'శాకినీ డాకిని' టీజర్ కొంచెం సేపటి క్రితమే విడుదలైంది. ఈ ఒక్క టీజర్ సినిమాపై భారీ అంచనాలను ఏర్పరిచిందంటే అతిశయోక్తి కాదు.
ఇద్దరు హీరోయిన్లు కూడా పోలీస్ అకాడెమిలో ట్రైనింగ్ స్టూడెంట్స్. వారిద్దరి మధ్య జరిగే సిల్లి థింగ్స్, ఒకరితో ఒకరు కొట్లాడుకోవడం, ఈ క్రమంలో ఏర్పడే కామెడీ ప్రేక్షకులను కడుపుబ్బా నవ్వించడం, తదుపరి ఇద్దరూ కూడా ఏదో ఒక అనుకోని ప్రమాదంలో ఇరుక్కోవడం, ఈ క్రమంలో ఇద్దరు ఫ్రెండ్స్ కావడం, ఆపదను కలిసి ఎలా ఎదుర్కొన్నారనేది ట్రైలర్ లో చాలా చక్కగా చూపించారు.
సుధీర్ వర్మ ఈ సినిమాకు దర్శకుడు. సురేష్ ప్రొడక్షన్స్, గురు ఫిలిమ్స్, క్రాస్ పిక్చర్స్ సంస్థల సంయుక్త నిర్మాణంలో సురేష్ బాబు దగ్గుబాటి, సునీతా తాటి, హ్యూన్ వూ థామస్ కిమ్ ఈ సినిమాను నిర్మిస్తున్నారు. మిక్కీ MC క్లీరీ, నరేష్ కుమరన్ సంగీతం అందిస్తున్నారు. పోతే, ఈ చిత్రం సెప్టెంబర్ 16వ తేదీన థియేటర్లలో విడుదల కాబోతుంది.
|
|