ఇండియన్ 2 పునఃప్రారంభంలో స్టార్ హీరో కీలకపాత్ర
cinema | Suryaa Desk | Published : Fri, Aug 26, 2022, 05:04 PM
గ్రేట్ ఇండియన్ యాక్టర్ కమల్ హాసన్ కి, డైరెక్టర్ శంకర్ కి తలెత్తిన కొన్ని క్రియేటివ్ డిఫరెన్సెస్, ఇంకా బడ్జెట్ పెరిగిపోతుండటం కారణంగా ఇన్నాళ్లు అటకెక్కి కూర్చున్న "ఇండియన్ 2" మూవీ ఇటీవలే పూజా కార్యక్రమంతో తిరిగి ప్రారంభమయ్యింది.
కమల్ హాసన్ విక్రమ్ సినిమా సూపర్ బ్లాక్ బస్టర్ కావడంతో ఇండియన్ 2 మేకర్స్ సినిమాను తిరిగి ప్రారంభించాలని ఆలోచించడం ఇండియన్ 2 షూటింగ్ రెజ్యూమ్ కావడానికి ఒక కారణమైతే, మరొక కారణం కోలీవుడ్ హీరో ఉదయనిధి స్టాలిన్. ఆయన కూడా ఈ సినిమా నిర్మాణంలో భాగం కావడం, బడ్జెట్ షేరింగ్ అవ్వడంతో ఇండియన్ 2 మూవీ చాలా త్వరగా తిరిగి ప్రారంభమయ్యింది అని కోలీవుడ్ వర్గాల సమాచారం. కమల్ విక్రమ్ మూవీని డిస్ట్రిబ్యూట్ చేసిన ఉదయనిధి స్టాలిన్ ఆ మూవీ తో చేతినిండా లాభాలు గడించాడు. కమల్ మీదున్న నమ్మకం, ప్రేమ కారణంగానే ఆయన ఇండియన్ 2 లో భాగమయ్యారు.
కాజల్ అగర్వాల్, రకుల్ ప్రీత్ సింగ్, సిద్దార్ధ్ కీరోల్స్ పోషిస్తున్న ఈ చిత్రానికి అనిరుద్ సంగీతం అందిస్తున్నారు. లైకా ప్రొడక్షన్స్ బ్యానర్ పై సుభాస్కరన్, ఉదయనిధి స్టాలిన్ ఈ చిత్రాన్ని నిర్మిస్తున్నారు.
|
|