ట్రెండింగ్
జిమ్ లో చెమట చిందిస్తున్న 'లైగర్' విజయ్
cinema | Suryaa Desk | Published : Sat, Aug 27, 2022, 04:59 PM
రౌడీ హీరో విజయ్ దేవరకొండ నటించిన తొలి పాన్ ఇండియా చిత్రం "లైగర్" రెండ్రోజుల క్రితమే విడుదలై మిక్స్డ్ టాక్ తో థియేటర్లలో రన్ అవుతుంది. ఈ మూవీ ప్రచారం కోసం దేశవ్యాప్తంగా పర్యటనలు చేసి, రాత్రి పగలు అనే తేడా లేకుండా కష్టపడిన విజయ్, మూవీ విడుదలైనా ఏ మాత్రం రెస్ట్ తీసుకోకుండా నెక్స్ట్ మూవీ కోసం జిమ్ లో కసరత్తులు మొదలెట్టేసాడు.
దాదాపు నెల రోజుల తదుపరి విజయ్ జిమ్ లో అడుగు పెట్టారని తెలుస్తుంది. ఈ మేరకు ఆయన జిమ్ లో తీవ్ర కసరత్తులు చేస్తున్న వీడియో ఒకటి సోషల్ మీడియాలో హల్చల్ చేస్తుంది.
ప్రస్తుతానికి విజయ్ చేతిలో రెండు సినిమాలున్నాయి. ఒకటి శివ నిర్వాణ డైరెక్షన్లో తెరకెక్కబోతున్న "ఖుషి", మరొకటి పూరి డైరెక్షన్లో తెరకెక్కబోతున్న "JGM". ఖుషి తెలుగు, తమిళం, మలయాళ భాషలలో ఈ ఏడాదిలోనే విడుదల కాబోతుంటే, JGM మాత్రం పాన్ ఇండియా భాషల్లో విడుదల కాబోతుంది.
|
|