సెన్సార్ ఫార్మాలిటీలను క్లియర్ చేసుకున్న ఆర్య 'కెప్టెన్'
cinema | Suryaa Desk | Published : Mon, Aug 29, 2022, 03:17 PM
శక్తి సౌందర్ రాజన్‌ దర్శకత్వంలో కోలీవుడ్ స్టార్ హీరో ఆర్య తన తదుపరి సినిమా ప్రకటించిన సంగతి అందరికి తెలిసిందే. ఈ సినిమాకి 'కెప్టెన్' అనే టైటిల్ ని మూవీ మేకర్స్ లాక్ చేసారు. తాజా అప్‌డేట్ ప్రకారం, కెప్టెన్ మూవీ సెన్సార్ ఫార్మాలిటీస్‌ను పూర్తి చేసుకొని U/A సర్టిఫికేట్ పొందినట్లు సమాచారం. అంతేకాకుండా ఈ సినిమా 116 నిమిషాల రన్ టైమ్‌ని కలిగి ఉన్నట్లు మూవీ మేకర్స్ వెల్లడించారు. ఇండియన్ ఆర్మీలో బాగా శిక్షణ పొందిన సైనికుడు కెప్టెన్ విజయ్ కుమార్‌గా ఆర్య ఈ సినిమాలో కనిపించనున్నాడు.
ఈ చిత్రం సెప్టెంబర్ 8, 2022న థియేటర్లలో విడుదల కానుంది. ఈ యాక్షన్ చిత్రంలో ఐశ్వర్య లక్ష్మి, సిమ్రాన్, హరీష్ ఉత్తమన్, కావ్య శెట్టి తదితరులు కీలక పాత్రలు పోషిస్తున్నారు. ఈ చిత్రాన్ని తెలుగులో నితిన్ తన హోమ్ బ్యానర్‌పై సమర్పిస్తున్నారు. ఈ చిత్రానికి డి ఇమ్మాన్ సంగీతం అందించారు. ది షో పీపుల్‌తో కలిసి థింక్ స్టూడియోస్ ఈ సినిమాని నిర్మించారు.
|
|