డైరెక్టర్ బాబీ తండ్రి మోహనరావు మరణం
cinema | Suryaa Desk | Published : Mon, Aug 29, 2022, 04:48 PM
ప్రముఖ డైరెక్టర్ బాబీ తండ్రి మోహనరావు తనకు వీరాభిమాని అని, ఎంతటి వీరాభిమాని అంటే బాబీ చిన్నప్పుడు స్కూలుకు వెళుతుంటే చిరంజీవి సినిమా రిలీజ్ మనం మొదటి రోజే చూడాలని చెప్పి, బాబీ తల్లికి కూడా తెలియకుండా సినిమా థియేటర్కు తీసుకువెళ్లి తన అభిమానాన్ని తన కొడుకుకు కూడా షేర్ చేశారని.. అలాంటి వీరాభిమాని మోహన్ రావు అని మెగాస్టార్ చెప్పుకొచ్చారు. ఈ మధ్య కాలంలోనే కాదు బాబీ నాతో సినిమా చేయక ముందే నేను ఆయనను కలిశానని, నా వీరాభిమాని విషయం తెలుసుకుని ఆయన ఆరోగ్యం బాగోకపోతే స్వయంగా వారి ఇంటికి వెళ్లి కలిశానని చిరంజీవి అన్నారు. ఇక బాబీ నాతో సినిమా చేయడం మొదలు పెట్టిన తర్వాత ఆయన ఆనందానికి అవధులు లేకుండా పోయాయని మెగాస్టార్ అన్నారు. నా అభిమాన హీరోతో నా కొడుకు డైరెక్టర్గా సినిమా చేస్తున్నాడు అంటే నా జన్మ ధన్యం అయినట్లే అంటూ చాలాసార్లు నాతో ఎగ్జయిట్ అవుతూ మాట్లాడారని చిరంజీవి గుర్తు చేసుకున్నారు. ఆ తర్వాత పలు సందర్భాలలో కలుస్తూనే ఉన్నాము, సినిమా ఎక్కడవరకు వచ్చిందనే విషయాన్ని ఆయన ప్రతిరోజు ఆసక్తిగా తెలుసుకుంటూనే ఉన్నారని మెగాస్టార్ అన్నారు. మూడు రోజులు ముందు కూడా హాస్పిటల్లో చికిత్స పొందుతున్న ఆయనని వెళ్లి పరామర్శించానని, అయితే అపస్మారక స్థితిలో ఉన్నా నేను మీ చిరంజీవిని వచ్చాను అని చెబితే ఆయన మాగన్నుగా కళ్ళు తెరిచి చిరునవ్వు నవ్వి మళ్ళీ కళ్ళు మూసుకున్నారని, అలా మూసుకున్న వ్యక్తి తిరిగి వస్తారని అనుకున్నాను. కానీ ఇలా కనుమూస్తారని అనుకోలేదని మెగాస్టార్ ఆవేదన వ్యక్తం చేశారు.
|
|