కీలకమైన షెడ్యూల్‌ను ప్రారంభించిన 'మెగా154' టీమ్
cinema | Suryaa Desk | Published : Fri, Sep 02, 2022, 08:56 PM
టాలీవుడ్ మెగాస్టార్ చిరంజీవి దర్శకుడు బాబీతో ఒక సినిమా చేస్తున్న విషయం అందరికి తెలిసిందే. ఈ మూవీకి 'వాల్తేరు వీరయ్య' అనే టైటిల్ ని మేకర్స్ ఖరారు చేసారు. ఈ ప్రాజెక్ట్ లో చిరు సరసన టాలెంటెడ్ అండ్ గార్జియస్ యాక్ట్రెస్ శృతి హాసన్ కథానాయికగా నటిస్తుంది. తాజా అప్‌డేట్ ప్రకారం, ఈరోజు మూవీ మేకర్స్ హైదరాబాద్‌లో ఈ సినిమా కొత్త షూటింగ్ షెడ్యూల్‌ను ప్రారంభించారు. ఇతర నటీనటులతో పాటు చిరంజీవి కూడా ఈ షూటింగ్‌లో పాల్గొంటున్నారు. ఈ తాజా షూటింగ్ షెడ్యూల్‌లో సినిమాకు సంబంధించిన కీలక సన్నివేశాలను చిత్రీకరించనున్నారు. ఈ సినిమా 2023 సంక్రాంతికి ప్రపంచవ్యాప్తంగా థియేటర్లలో విడుదలవుతున్నట్లు మూవీ మేకర్స్ అధికారికంగా ప్రకటించారు. మాస్ యాక్షన్ ఎంటర్‌టైనర్‌ ట్రాక్ లో రానున్న ఈ చిత్రానికి రాక్‌స్టార్ దేవి శ్రీ ప్రసాద్ సంగీతం అందిస్తున్నారు. ఈ సినిమాలో బాబీ సింహా పవర్‌ఫుల్ విలన్‌గా నటిస్తున్నాడు. ఈ చిత్రాన్ని మైత్రీ మూవీ మేకర్స్ భారీ స్థాయిలో నిర్మిస్తుంది.
|
|