SSMB 28 : ఫస్ట్ డే షూటింగ్ గ్లిమ్స్ వీడియో రిలీజ్
cinema | Suryaa Desk | Published : Mon, Sep 12, 2022, 07:21 PM
సూపర్ హిట్ డైరక్టర్ - హీరో కాంబో, మాటల మాంత్రికుడు త్రివిక్రమ్ - సూపర్ స్టార్ మహేష్ బాబు కలయికలో దాదాపు పదకొండేళ్ల తదుపరి ఒక సినిమా రాబోతుందన్న విషయం తెలిసిందే. ఈ ఇద్దరి కాంబోలో వచ్చిన అతడు, ఖలేజా సినిమాలు ప్రేక్షకుల హాట్ ఫేవరెట్. దీంతో ఇప్పుడు రాబోతున్న ఈ సినిమాపై ప్రేక్షకాభిమానుల్లో భారీ అంచనాలు ఉన్నాయి.
లేటెస్ట్ గా ఈ రోజు నుండే ఈ మూవీ రెగ్యులర్ షూటింగ్ స్టార్ట్ అయ్యింది. ఇందుకు సంబంధించిన గ్లిమ్స్ వీడియో విడుదలై సోషల్ మీడియాలో వైరల్ గా మారింది. హై ఆక్టేన్ యాక్షన్ ఎంటర్టైనర్ గా రూపొందుతున్న ఈ చిత్రానికి సంబంధించిన భారీ యాక్షన్ ఎపిసోడ్ ను ఈ షెడ్యూల్ లో తెరకెక్కిస్తారు. ఈ మూవీ వచ్చే సంవత్సరం ఏప్రిల్ 28వ తేదీన రిలీజ్ కాబోతుంది.
ఈ సినిమాలో పూజాహెగ్డే హీరోయిన్ గా నటిస్తుండగా, తమన్ సంగీతం అందిస్తున్నారు. హారిక అండ్ హాసిని క్రియేషన్స్ బ్యానర్ పై ఎస్. రాధాకృష్ణ ఈ సినిమాను నిర్మిస్తున్నారు.
|
|