అక్కినేనికి మెగాస్టార్ ఆత్మీయ స్మృత్యంజలి
cinema | Suryaa Desk | Published : Tue, Sep 20, 2022, 06:48 PM
తెలుగు సినిమా దేవదాసు అక్కినేని నాగేశ్వరరావు గారి 99వ జయంతి నేడు. ఈ సందర్భంగా పలువురు సినీ ప్రముఖులు ఏఎన్నార్ ను స్మరించుకుంటూ సోషల్ మీడియాలో పోస్టులు పెడుతున్నారు. కొంతమంది సీనియర్లేమో ఏఎన్నార్ తో తమకున్న అనుబంధాన్ని నెమరు వేసుకుంటూ అప్పటి రోజులను గుర్తుకు తెచ్చుకుంటున్నారు.
మెగాస్టార్ చిరంజీవి గారు ఉదయాన్నే ఏఎన్నార్ గారిని స్మరించుకుంటూ సోషల్ మీడియాలో పోస్ట్ పెట్టారు. ఇప్పుడు మరోసారి ఆయనతో తనకున్న అనుబంధాన్ని నెమరు వేసుకుంటూ, ఆయనతో కలిసి నటించిన 'మెకానిక్ అల్లుడు' సినిమాలోని ఒక బ్యూటిఫుల్ పిక్ ను ట్విట్టర్ లో షేర్ చేసారు.
బి. గోపాల్ డైరెక్ట్ చేసిన మెకానిక్ అల్లుడు సినిమాలో చిరంజీవి, ఆయనను గైడ్ చేసే సీనియర్ పాత్రలో అక్కినేని నటించి ప్రేక్షకులను విపరీతంగా ఆకట్టుకున్నారు. 1993లో విడుదలైన ఈ సినిమా సూపర్ హిట్ అయ్యింది.
|
|