దివి నుండి దిగివచ్చిన తారక.. ఐశ్వర్య రాయ్
cinema | Suryaa Desk | Published : Tue, Nov 01, 2022, 11:59 AM
అందానికి అర్థంగా కనిపించే ఐశ్వర్యరాయ్.. ఆమె అందాన్ని చూస్తే మనసులేని రోబోలు సైతం ఫిదా కావాల్సిందే. అందానికి అభినయం తోడైతే.. ఆమె పేరు ఐశ్వర్య రాయ్. తన అందంతో.. నటనతో ప్రపంచ వ్యాప్తంగా పేరు సంపాదించిన గొప్పనటి. మోడల్గా కెరియర్ ను ప్రారంభించి.. మిస్ వాల్డ్గా ఎంపికైంది. అటునుంచి.. భారతీయ వెండితెరపై వెలుగులు నింపింది. ఒక్క భారతదేశంలోనే కాదు.. ప్రపంచవ్యాప్తంగా ఆమె అందానికి కోట్లాది అభిమానులున్నారు.
ఐశ్వర్యారాయ్ 1973 నవంబర్ 1న కర్ణాటకలోని మంగళూరులో జన్మించింది. మెరుపుతీగెలాంటి మేని సొగసుతో ఐశ్వర్యారాయ్ యాడ్ ప్రపంచంలో తనదైన బాణీ పలికించింది. ఆపై ‘మిస్ ఇండియా’ టైటిల్ పోటీలో రన్నరప్ గానే నిలచింది. అయినా, తన అందంపై నమ్మకంతో మళ్ళీ అందాలపోటీల్లో సాగింది. 1994 మిస్ వరల్డ్ గా ఐశ్వర్య నిలచింది. చిత్రమేమిటంటే, మిస్ యూనివర్స్ గా నిలచిన సుస్మితా సేన్ కన్నా మిన్నగా ఐశ్వర్యారాయ్ కు సినిమా అవకాశాలు వచ్చాయి.
|
|