జపాన్లో మొదటి వారంలో అత్యధిక వసూళ్లు సాధించిన భారతీయ చిత్రంగా 'RRR'
cinema | Suryaa Desk | Published : Tue, Nov 01, 2022, 06:36 PM
SS రాజమౌళి డైరెక్షన్ లో టాలీవుడ్ స్టార్ హీరోస్ రామ్ చరణ్, జూనియర్ ఎన్టీఆర్ నటించిన 'RRR' సినిమా థియేటర్లలో విడుదలై ఘన విజయాన్ని సాధించింది. ఈ మూవీ విడుదలైన అన్ని చోట్ల సాలిడ్ కలెక్షన్స్ ని రాబటింది. తాజాగా ఈ సినిమాను జపాన్లో విడుదల చేయడంతో పాటు ఈ చిత్ర ప్రీమియర్కి స్టార్ కాస్ట్ కూడా హాజరైన సంగతి తెలిసిందే.
తాజా సమాచారం ప్రకారం, ఈ సినిమా విడుదలైన వారంలోనే జపనీస్ బాక్సాఫీస్ వద్ద $495K వసూలు చేసింది అని ఇండస్ట్రీ ట్రాకర్ రమేష్ బాలా ట్విట్టర్లో కలెక్షన్ ఫిగర్ను పోస్ట్ చేసి ప్రకటించారు. పాజిటివ్ మౌత్ టాక్ స్ప్రెడ్ కావడంతో ఈ సినిమా మంచి వసూళ్లను రాబడుతోంది.
ఈ యాక్షన్ డ్రామా మూవీలో అలియా భట్,సముద్రఖని, అజయ్ దేవగన్, శ్రియా శరణ్, ఒలివియా మోరిస్ ముఖ్య పాత్రలు పోషిస్తున్నారు. ఈ చిత్రాన్ని డివివి దానయ్య భారీ స్థాయిలో నిర్మించారు. ఈ చిత్రానికి ఎంఎం కీరవాణి సంగీతం అందించారు.
|
|