అజిత్ 'తునివు' లో పాట పాడిన మ్యూజిక్ డైరెక్టర్ అనిరుధ్ రవిచంద్రన్
cinema | Suryaa Desk | Published : Fri, Nov 04, 2022, 11:23 PM
కోలీవుడ్ మ్యూజిక్ సెన్సేషన్ అనిరుద్ రవిచంద్రన్ ఒకపక్క అద్దిరిపోయే మ్యూజిక్ ఆల్బమ్స్ ను కంపోజ్ చెయ్యడమే కాకుండా, ఇతర సంగీత దర్శకుల పాటలను కూడా పాడి వారిపట్ల తనకున్న స్నేహభావాన్ని చాటుకుంటున్నాడు. రీసెంట్గానే విశ్వక్ సేన్ 'ఓరి దేవుడా'లో గుండెల్లోనా గుండెల్లోనా అనే చార్ట్ బస్టర్ సాంగ్ ను ఆలపించిన అనిరుద్ తాజాగా అజిత్ తునివు కోసం మరోసారి గొంతు సవరించుకున్నాడు. ఓరి దేవుడా సినిమాకు లియోన్ జేమ్స్ సంగీత దర్శకుడైతే, తునివు సినిమాకు ఘిబ్రాన్ మ్యూజిక్ డైరెక్టర్ గా వ్యవ్యహరిస్తున్నారు.
అజిత్ తునివులో చిల్ల చిల్ల అనే సాంగ్ ను అనిరుద్ రవిచంద్రన్ పాడారని ఆ సినిమా మ్యూజిక్ డైరెక్టర్ ఘిబ్రన్ స్వయంగా వెల్లడించారు. ఈ మేరకు తన సోషల్ మీడియా ఖాతాలో ఘిబ్రాన్ ఒక పిక్ ను పోస్ట్ చేసారు. అందులో ఘిబ్రాన్, అనిరుద్, లిరిసిస్ట్ వైశాఖ్ ఉన్నారు.
అజిత్ అనిరుద్ కాంబోలో వచ్చిన వేదాళం సినిమాలో అలమావో డోలుమావో అనే మాస్సీ సాంగ్ చార్ట్ బస్టర్ గా నిలవగా, ఇప్పుడు తునివులో అనిరుద్ పాడిన పాట కూడా అంత పెద్ద హిట్ అవ్వాలని అజిత్ ఫ్యాన్స్ కోరుకుంటున్నారు.
|
|