అర్చనను ఫైనల్‌కి ప్రమోట్ చేసి దీక్షను బిగ్‌బాస్ హౌస్ నుండి సాగనంపారు

బిగ్‌బాస్ తెలుగు సీజన్ 1 ఫైనల్ పోరులో నిలిచే కన్టెస్టెంట్స్‌‌ ఎవరన్న దానిపై సస్పెన్స్ వీడింది. హరితేజ, ఆదర్శ్, నవదీప్, శివబాలాజీలు ఇప్పటికే ఫైనల్ పోరుకు సిద్ధంకాగా.. అర్చన, దీక్షలలో ఫైనల్‌కి వెళ్లేది ఒకరే కావడంతో ఆదివారం నాటి ఎపిసోడ్ ఆసక్తిగా సాగింది. ఈహోరా హోరా పోరులో అర్చనను ఫైనల్‌కి ప్రమోట్ చేసి దీక్షను బిగ్‌బాస్ హౌస్ నుండి సాగనంపారు. జూలై 16న భారీ అంచనాల నడుమ ప్రారంభమైన తెలుగు బిగ్ బాస్ షో ఇప్పటికి 63 ఎపిసోడ్‌లను సక్సెస్ ఫుల్‌గా కంప్లీట్ చేసి 64వ ఎపిసోడ్ ఎంటర్ అయ్యింది. ఒక ఈ చివరివారం ఫైనల్ విన్నర్ ఎవరో తేలనుండటంతో ‘బిగ్ బాస్ సీజన్ 1’ ఆసక్తిగా మారింది.

ఇక ఈరోజు ఎపిసోడ్ హైలైట్స్ విషయానికి వస్తే.. ఎన్టీఆర్ బిగ్ బాస్ స్టేజ్‌ను వదిలి బిగ్‌బాస్ హౌస్‌లో ఎంట్రీ ఇచ్చి కన్టెస్టెంట్స్‌తో సందడి చేస్తుండగా.. నేటి ఎపిసోడ్ తనలో ఉన్న మల్టీటాలెంట్‌ను బయటపెట్టాడు. చెఫ్ అవతారం ఎత్తి గరిటె తిప్పుతూ తన పాక శాస్త్ర ప్రావీణ్యాన్ని ప్రదర్శించారు. అద్భుతమైన మటన్ పలావ్‌తో పాటు టమోటా చట్నీ కూడా చేసి హౌస్‌మేట్స్‌ చేత అదుర్స్ అనేలా తన వంట రుచిచూపాడు. ఎన్టీఆర్ చేసి మటన్ పలావ్‌‌ని కన్టెస్టెంట్స్ లొట్టలేసుకుని తినేసి ఎన్టీవోడు వంట చేయడంలో చేయితిరిగినోడే అంటూ కాంప్లిమెంట్ ఇచ్చేశారు.

ఇక ఎన్టీఆర్ కన్టెస్టెంట్స్‌కి పలావ్ రుచి చూపిన తరువాత బిగ్‌బాస్ హౌస్‌ని వీడి ఫైనల్‌లో పోటీ పడే ఆ ఐదుగురు కన్టెస్టెంట్స్‌పై క్లారిటీ ఇచ్చారు. అర్చన-దీక్షలలో ఫైనల్‌కి చేరేది అర్చన అంటూ దీక్షను ఐదు నిమిషాల్లో బ్యాగ్ సర్దేయాల్సిందిగా కోరారు. దీంతో బిగ్ బాస్ హౌస్‌నుండి బయటకు వచ్చిన దీక్ష.. ఎన్టీఆర్‌తో కలిసి బిగ్ బాస్ స్టేజ్‌పై ‘వీరి వీరి గుమ్మడిపండు’ గేమ్‌ని ఆడింది. బోర్డ్‌పై ఒక పదాన్ని రాస్తూ ఇంకో పదాన్ని వారి మఖం పైనే కుండబద్దలు కొట్టేసింది. ఇందులో నవదీప్‌ను స్టుపిడ్, కన్నింగ్‌అని అనగా వాటితో నవదీప్ విభేదించాడు. ​ఇక హరితేజ, అర్చన, శివబాలాజీలు సైతం దీక్ష తమను సరిగా అర్థం చేసుకోలదని అందుకే ఫూలిష్, మ్యానుప్యులేట్ అని అంటుందని ఆమెతో వాదనకు దిగారు. అయితే ఆదర్శ్‌కి మాత్రం పర్ఫెక్ట్, సెన్సిటివ్ అని బిరుదు ఇచ్చేసింది దీక్ష.

ఇక హౌస్‌ను వీడే కన్టెస్టెంట్స్‌కి ఇచ్చే బిగ్ బాంబ్‌ను ఫైనల్ వారం కావడంతో దీక్ష ఐదుగురిపై విసిరింది. ఈ బాంబ్ శిక్ష ఏంటంటే.. బిగ్ బాస్‌లో అలారం మోగిన ప్రతిసారి ఐదుగురు కన్టెస్టెంట్స్ టేబుల్స్‌ని రివర్స్‌ చెప్పాలి. ఇక దీక్ష బిగ్‌బాస్ హౌస్‌ను వీడటంతో ఇప్పటివరకూ హౌస్‌కి కెప్టెన్ కాలేకపోయిన అర్చనను బిగ్ బాస్ హౌస్‌ చివరి వారానికి కెప్టెన్‌గా ప్రమోట్ చేశారు ఎన్టీఆర్. మరోవైపు బిగ్ బాస్ సీజన్ 1 విన్నర్‌ కోసం ప్రేక్షకులు ఓటింగ్ చేయవచ్చని ఆ ఓటింగ్ ద్వారానే ఫైనల్ విన్నర్‌ని నిర్ణయిస్తామన్నారు ఎన్టీఆర్.