ఛత్రపతి శివాజీ... సూపర్ స్టార్ కృష్ణ చిరకాల కోరిక.. !!
cinema | Suryaa Desk | Published : Wed, Nov 16, 2022, 11:37 PM
సూపర్ స్టార్ కృష్ణగారు తన సినీ కెరీర్ లో 300 పై చిలుకు సినిమాలలో నటించారు. కొన్ని సినిమాలకు దర్శకత్వం, ఎన్నో సూపర్ హిట్లకు నిర్మాతగానూ వ్యవహరించారు. సోషల్ డ్రామా, లవ్, యాక్షన్, పీరియాడికల్, పౌరాణికం, ఫిక్షన్ ...ఇలా అన్ని జానర్ సినిమాలలోనూ నటించారు. ప్రతి జానర్ లో తనదైన ప్రత్యేక ముద్రను వేశారు. కౌ బాయ్, జేమ్స్ బాండ్, అల్లూరి సీతారామరాజు... ఇలా ఎన్నో పాత్రలను పోషించిన కృష్ణగారికి ఒక పాత్ర మాత్రం తీరని కలగానే మిగిలిపోయింది.
మహారాష్ట్ర కింగ్, ఛత్రపతి శివాజీ గారి వేషం వెయ్యాలని, ఆయన బయోపిక్ లో నటించాలనే బలమైన కోరిక కృష్ణగారికి ఉండేదట. కానీ, ఎందుకో తెలియదు .. ఈ ప్రాజెక్ట్ పట్టాలెక్కలేదు. ఛత్రపతి శివాజీ వేషం వెయ్యాలనే తన కుతూహలాన్ని SV కృష్ణారెడ్డి గారి డైరెక్షన్లో వచ్చిన "నెంబర్ వన్" సినిమాలో ఒక పాటలో తీర్చుకోగలిగారు కృష్ణ. కానీ శివాజీపై పూర్తి సినిమాను మాత్రం తియ్యలేకపోయారు.
|
|