కోలీవుడ్ సూపర్ స్టార్ రజినీకాంత్, బాలీవుడ్ బ్యూటీ మనీషా కొయిరాలా జంటగా నటించిన చిత్రం "బాబా". 2002 లో విడుదలైన ఈ మూవీకి మిక్స్డ్ టాక్ వచ్చింది.. కానీ కంటెంట్ అండ్ ప్రొడక్షన్ వాల్యూస్ రిచ్ గా ఉండడంతో చాలామందికి ఈ సినిమా అంటే ఇష్టం. సురేష్ కృష్ణ తెరకెక్కించిన ఈ సినిమాకు కథ, స్క్రీన్ ప్లే రజినీకాంత్ అందించారు. లోటస్ ఇంటర్నేషనల్ బ్యానర్ పై రజినినే సొంతంగా ఈ సినిమాను నిర్మించారు.
ఈ సంవత్సరంతో బాబా విడుదలై ఇరవై ఏళ్ళు పూర్తవుతున్నాయి. అలానే డిసెంబర్ 12న రజిని బర్త్ డే కూడా ఉండడంతో అతి త్వరలోనే బాబా రీ రిలీజ్ చెయ్యాలని మేకర్స్ ప్లాన్ చేస్తున్నారు. ఈ నేపథ్యంలో బాబా సినిమాను కొంత ట్రిమ్ చేసి, మరికొన్ని కొత్త సీన్స్ ను యాడ్ చెయ్యాలని అనుకుంటున్నారట. దీంతో కొత్తగా జత చేసిన సీన్లకు రజిని రీసెంట్గా డబ్బింగ్ చెప్పారు. ఒక రీ రిలీజ్ సినిమాకు రజిని వంటి సూపర్ స్టార్ ఇస్తున్న ఇంపార్టెన్స్, కమిట్మెంట్ నెటిజనుల నుండి ప్రశంసలు అందుకుంటుంది.