రేపు విడుదల కానున్న ఆది సాయికుమార్ 'టాప్ గేర్' ట్రైలర్
cinema | Suryaa Desk | Published : Sat, Dec 17, 2022, 07:14 PM
యంగ్ అండ్ ప్రామిసింగ్ హీరో ఆది సాయికుమార్ తన తదుపరి ప్రాజెక్ట్ ని శశికాంత్ దర్శకత్వంలో చేస్తున్న సంగతి అందరికి తెలిసిందే. ఈ సినిమాకి 'టాప్ గేర్' అనే టైటిల్ ని మూవీ మేకర్స్ లాక్ చేసారు. ఈ చిత్రంలో ఆది సాయికుమార్ సరసన జోడిగా రియా సుమన్ నటిస్తుంది. ఈ చిత్రం డిసెంబర్ 30, 2022న థియేటర్లలో విడుదల కానుంది.
తాజాగా మూవీ మేకర్స్ ఈనెల 18వ తేదీన ఉదయం 11గంటలకు ఈ సినిమా యొక్క థియేట్రికల్ ట్రైలర్ను విడుదల చేయనున్నట్టు ప్రకటించారు. ఇటీవల విడుదలైన ఈ సినిమా టీజర్ మంచి అంచనాలను నెలకొల్పడంతో, ట్రైలర్ కోసం సినీ అభిమానులు ఆసక్తిగా ఎదురుచూస్తున్నారు.
బ్రహ్మాజీ, సత్యం రాజేష్, మైమ్ గోపి, నర్రా, శత్రు, బెనర్జీ, గిరిధర్ తదితరులు ఈ చిత్రంలో కీలక పాత్రలు పోషించారు. పక్కా కమర్షియల్ ఎంటర్టైనర్గా రూపొందించబడిన టాప్ గేర్కి హర్షవర్ధన్ రామేశ్వర్ సంగీత అందిస్తున్నారు. ఆదిత్య మూవీస్ అండ్ ఎంటర్టైన్మెంట్స్ సమర్పణలో శ్రీ ధనలక్ష్మి ప్రొడక్షన్స్ బ్యానర్పై రూపొందనుంది. ఈ చిత్రాన్ని కె.వి.శ్రీధర్ రెడ్డి నిర్మిస్తున్నారు.
|
|