'RC15' లో మోహన్‌లాల్?
cinema | Suryaa Desk | Published : Wed, Dec 21, 2022, 08:40 PM
సెన్సషనల్ డైరెక్టర్ శంకర్ దర్శకత్వంలో మెగా పవర్ స్టార్ రామ్ చరణ్ 'RC15' సినిమా చేస్తున్న సంగతి తెలిసిందే. లేటెస్ట్ అప్డేట్ ప్రకారం, ఈ సినిమాలో మలయాళం స్టార్ హీరో మోహన్ లాల్ ముఖ్యమంత్రిగా కనిపించనున్నాడని ఇన్‌సైడ్ టాక్. ఈ సినిమా సెకండాఫ్‌లో మోహన్ లాల్ పాత్ర కనిపించనుంది మరియు అతను పాల్గొన్న సన్నివేశాలు సినిమా కథకు కీలకం కానున్నాయి అని సమాచారం. రామ్ చరణ్ ద్విపాత్రాభినయం చేస్తున్న ఈ సినిమాలో ఒక పాత్రలో ఐఏఎస్ అధికారిగా, మరో పాత్రలో పల్లెటూరి వ్యక్తిగా కనిపించనున్నాడు. ఇప్పటికే రామ్ చరణ్ లుక్స్ వైరల్ గా మారడంతో ఈ సినిమా పై అంచనాలు పెరిగిపోతున్నాయి.
ఈ సినిమాలో బాలీవుడ్ బ్యూటీ కైరా అద్వానీ కథానాయికగా నటిస్తోంది. అరవింద్ స్వామి, ఎస్‌జే సూర్య, సురేష్ గోపి, ఈషా గుప్తా, అంజలి, శ్రీకాంత్, జయరామ్, సునీల్ మరియు నవీన్ చంద్ర ఈ సినిమాలో కీలక పాత్రలలో కనిపించనున్నారు. ఈ మెగా చిత్రానికి థమన్ ఎస్ సౌండ్‌ట్రాక్స్ అందించనున్నారు. దిల్ రాజు తన హోమ్ బ్యానర్ శ్రీ వెంకటేశ్వర క్రియేషన్స్‌పై ఈ సినిమాని నిర్మిస్తున్నారు.
|
|