ట్రెండింగ్
సాయిరాం శంకర్ 'వెయ్ దరువెయ్' మ్యూజికల్ ప్రమోషన్స్ షురూ..!!
cinema | Suryaa Desk | Published : Thu, Dec 29, 2022, 04:34 PM
డాషింగ్ డైరెక్టర్ పూరి జగన్నాధ్ తమ్ముడు సాయిరాం శంకర్ హీరోగా నటిస్తున్న కొత్త సినిమా "వెయ్ దరువెయ్". ఇందులో యషా శివకుమార్ హీరోయిన్ గా నటిస్తుంది. నవీన్ రెడ్డి డైరెక్టర్ గా వ్యవహరిస్తున్న ఈ సినిమాను శంకర్ పిక్చర్స్ పతాకంపై దేవరాజ్ నిర్మిస్తున్నారు. భీమ్స్ సంగీతం అందిస్తున్నారు. పక్కా మాస్ మసాలా ఎంటర్టైనర్ గా రూపొందుతున్న ఈ సినిమా ప్రస్తుతం శరవేగంగా షూటింగ్ జరుపుకుంటుంది.
తాజాగా వెయ్ దరువెయ్ చిత్రబృందం నుండి ఫస్ట్ సింగిల్ రిలీజ్ అప్డేట్ వచ్చింది. న్యూ ఇయర్ 2023 కానుకగా జనవరి 1వ తేదీ ఉదయం 11:11 నిమిషాలకు వెయ్ దరువెయ్ సినిమా ఫస్ట్ సింగిల్ 'మంజుల మంజుల' స్పెషల్ సాంగ్ విడుదల కాబోతుందని పేర్కొంటూ అఫీషియల్ పోస్టర్ ను విడుదల చేసారు. ఈ సాంగ్ లో గ్లామర్ బ్యూటీ హెబ్బా పటేల్ ఆడిపాడి ప్రేక్షకులను అలరించనుంది.
|
|