తాజా వార్త : చిరంజీవి 'శంకర్ దాదా' 3 సిరీస్ వచ్చేలా ఉంది

మున్నాభాయ్ తో మెగాస్టార్ చిరంజీవి అనుబంధం గురించి తెలిసిందే. మెగా కెరీర్ ని వీకీలో ఓపెన్ చేస్తే అందులో ఓ ఫుల్ పేజీ ఈ మున్నాభాయ్ కి కూడా ఉంది. బాలీవుడ్ మెగాస్టార్ అమితాబ్ బచ్చన్ సల్మాన్ ఖాన్ వంటి స్టార్లతో మెగాస్టార్ ఎంతగా అనుబంధం మెయింటెయిన్ చేస్తారో అంతకుమించి సంజయ్ దత్ తోనూ అనుబంధం కొనసాగిస్తుంటారు. ముఖ్యంగా దత్ నటించిన మున్నాభాయ్ ఎంబీబీఎస్ చిత్రాన్ని తెలుగులో రీమేక్ చేసి మెగాస్టార్ బంపర్ హిట్ కొట్టారు. నాటి నుంచి ఆ ఇద్దరి మధ్యా ధృడబంధం పెనవేసుకుంది. మున్నాభాయ్ సిరీస్ లో రెండు సినిమాల్ని తెలుగులో రీమేక్ చేసిన సంగతి తెలిసిందే.

మున్నాభాయ్ సిరీస్ బాలీవుడ్ ని ఊపేసినంతగానే శంకర్ దాదా ఎంబీబీఎస్ చిత్రాలు టాలీవుడ్ ని అంతే ఇదిగా ఊపేశాయి. మొదటి సినిమా బ్లాక్ బస్టర్ రెండో సినిమా యావరేజ్ గా ఆడాయి. ఇకపోతే ఇదిగో ఇక్కడ కనిపిస్తున్న దృశ్యం చూస్తుంటే చాలా గ్యాప్ తర్వాత మున్నాభాయ్ - శంకర్ దాదా అలయెన్స్ అనూహ్యంగా తెరపైకి రావడం వెనక కారణం ఏంటో అర్థం కావడం లేదా?  సాధ్యమైనంత తొందర్లోనే మున్నాభాయ్ సిరీస్ లో మూడో సినిమా ప్రారంభం కానుంది. మరోసారి సంజయ్ దత్- అర్షద్ వార్సీ జోడీ తెరనిండుగా వినోదం పంచనున్నారు. ట్యాలెంటెడ్ రాజ్ కుమార్ హిరాణీ మార్క్ సెటైరికల్ కామెడీ ఎంటర్ టైనర్ ఉత్తరాది ప్రేక్షకుల్ని ఊపేయడం ఖాయమని గ్రీన్ సిగ్నల్ అందింది. ఇటీవలే సంజూ భాయ్ బయోపిక్ తెరకెక్కించిన హిరాణీ బాక్సాఫీస్ వద్ద సెన్సేషనల్ హిట్ అందుకున్న సంగతి తెలిసిందే. ఆ క్రమంలోనే మున్నాభాయ్ సీక్వెల్ పార్ట్ 3 కథ రెడీ చేశానని తెలిపారు.

మున్నాభాయ్ ఎంబీబీఎస్ సిరీస్ లో మూడో సినిమాని ఈ కొత్త సంవత్సరంలో ఖాయం చేశారు. ఈ మూవీ తెరకెక్కుతున్న వేళ ఇదిగో ఇలా మెగాస్టార్ చిరంజీవి మెగాపవర్ స్టార్ రామ్ చరణ్ సంజూభాయ్ ని కలిశారంటే అంతకుమించి ఆ ఇద్దరి మైండ్ లో ఏం ఉందో అర్థం చేసుకోవచ్చు. కుశల ప్రశ్నలు అయ్యాక మున్నా భాయ్ నుంచి ప్రామిస్ తీసుకునే వచ్చి ఉంటారని గెస్ చేయొచ్చు. ఇక సంజూ భాయ్ జైలు నుంచి వచ్చాక మెగాస్టార్ ఇప్పుడే కలవలేదు.  రెగ్యులర్ గానే చిరు.. దత్ కి టచ్ లో ఉంటారని చెబుతుంటారు. మొత్తానికి మున్నాభాయ్ - శంకర్ దాదా కలయికలో పెద్ద ప్లానింగే రన్ అవుతోందని అర్థమవుతోంది. ఇప్పటికే కొణిదెల ప్రొడక్షన్స్ కంపెనీలో మెగాస్టార్ 150 151 152 చిత్రాల్ని రామ్ చరణ్  లాక్ చేశారు. తాజా సన్నివేశం చూస్తుంటే 153 కూడా లాక్ అవుతున్నట్టే అర్థమవుతోంది. మెగాస్టార్ ఈ దూకుడు మునుముందు ఇంకే స్థాయికి చేరనుందో వేచి చూడాలి.