తెలుగు రాష్ట్రాల్లో 'ధమాకా' వసూళ్లు

టాలీవుడ్‌లో ఎన్నో కష్టనష్టాలను అనుభవించిన తర్వాత హీరోగా మారినా.. సుదీర్ఘ కాలంగా స్టార్‌డమ్‌ను కొనసాగిస్తూ దూసుకుపోతోన్నాడు మాస్ మహారాజా రవితేజ.ఎప్పటికప్పుడు పక్కా కమర్షియల్ చిత్రాలు చేస్తూ ప్రేక్షకులను అలరిస్తోన్న అతడు.. ఈ మధ్య కాలంలో వరుస ఫ్లాపులతో సతమతం అయ్యాడు. ఇలాంటి పరిస్థితుల్లో ఇప్పుడు 'ధమాకా' అనే మాస్ మూవీతో ప్రేక్షకుల ముందుకు వచ్చాడు. భారీ అంచనాల నడుమ విడుదలైన ఈ మూవీకి కలెక్షన్లు భారీగా వస్తున్నాయి. ఈ నేపథ్యంలో 'ధమాకా' మూవీ ఎనిమిది రోజుల రిపోర్టును మీరే చూడండి!టాలీవుడ్ స్టార్ రవితేజ హీరోగా త్రినాథరావు నక్కిన తెరకెక్కించిన చిత్రమే 'ధమాకా'. ఈ మూవీని పీపుల్స్ మీడియా ఫ్యాక్టరీ, అభిషేక్ అగర్వాల్ ఆర్ట్స్ బ్యానర్లపై టీజీ విశ్వ ప్రసాద్ భారీ బడ్జెట్‌తో నిర్మించారు. శ్రీలీలా ఈ సినిమాలో హీరోయిన్‌గా నటించింది. ఇందులో జయరాం, సచిన్ ఖేడ్కర్, రావు రమేష్, తణికెళ్ల భరణి కీలక పాత్రలు చేశారు. భీమ్స్ దీనికి సంగీతం ఇచ్చాడు.

మాస్ మహారాజా రవితేజ మార్కెట్‌కు అనుగుణంగానే 'ధమాకా' మూవీకి నైజాంలో రూ. 5.50 కోట్లు, సీడెడ్‌లో రూ. 2.50 కోట్లు, ఆంధ్రాలో కలిపి రూ. 8 కోట్ల మేర బిజినెస్ జరిగింది. ఇలా తెలుగు రాష్ట్రాల్లో రూ. 16.00 కోట్ల బిజినెస్ చేసింది. అలాగే, రెస్టాఫ్ ఇండియా, కర్నాటక, ఓవర్సీస్‌లో కలిపి రూ. 2.30 కోట్లతో.. ఓవరాల్‌గా ఈ మూవీకి రూ. 18.30 కోట్ల బిజినెస్ అయింది.'ధమాకా' సినిమాకు తెలుగు రాష్ట్రాల్లో 8వ రోజు వసూళ్లు మరింత పెరిగాయి. ఫలితంగా నైజాంలో రూ. 80 లక్షలు, సీడెడ్‌లో రూ. 31 లక్షలు, ఉత్తరాంధ్రాలో రూ. 20 లక్షలు, ఈస్ట్ గోదావరిలో రూ. 6 లక్షలు, వెస్ట్ గోదావరిలో రూ. 4 లక్షలు, గుంటూరులో రూ. 4 లక్షలు, కృష్ణాలో రూ. 5 లక్షలు, నెల్లూరులో రూ. 3 లక్షలతో మొత్తంగా రూ. 1.53 కోట్లు షేర్, రూ. 2.90 కోట్లు గ్రాస్ వసూలైంది.