అనుష్క సినిమాలో నేను లేను : మాధవన్
cinema | Suryaa Desk | Published : Sun, Jan 13, 2019, 10:18 PM
అక్కినేని నాగచైతన్య నటించిన 'సవ్యసాచి' చిత్రంలో విలన్ క్యారెక్టర్లో కనిపించిన ఒకపుడు హీరోగా నటించిన ఆర్.మాధవన్.. ఇపుడు సపోర్టింగ్ రోల్స్ చేస్తున్నాడు. త్వరలో లేడీ టైగర్ అనుష్క ప్రధాన పాత్రలో తెరకెక్కనున్న చిత్రంలో మాధవన్ అత్యంత కీలక పాత్రను పోషించనున్నారనే వార్తలు హల్చల్ చేస్తున్నాయి. అయితే . హే... గాయ్స్.. నేను అనుష్క చిత్రంలో నటించడం లేదు. దీనికి సంబంధించి వస్తున్న వార్తల్లో ఏమాత్రం నిజంలేదన్నారు. మాధవన్ స్వయంగా వెల్లడించారు దీంతో అనుష్క సినిమాలో మాధవన్ నటించడం లేదని స్పష్టమైపోయింది.
మాధవన్ చేస్తున్న రాకెట్రీ చిత్రం ఇస్రో సైంటిస్ట్ నంబీ నారాయణన్ జీవిత నేపథ్యంలో తెరకెక్కుతుంది. ఈ సినిమాపై అభిమానుల్లో భారీ అంచనాలే ఉన్నాయి. మరోవైపు అనుష్క నటిస్తున్న థ్రిల్లర్ చిత్రానికి ప్రముఖ కథా రచయిత కోన వెంకట్ నిర్మాతగా వ్యవహరించనున్నారు. పీపుల్ మీడియా ఫ్యాక్టరీ ఈ చిత్రాన్ని నిర్మించనుంది. మూవీ చిత్రీకరణ ఎక్కువ శాతం అమెరికాలో జరగనుంది. ఈ చిత్రంలో హాలీవుడ్ నటులు కూడా నటిస్తారని సమాచారం. ఈ చిత్రానికి హేమంత్ మధుకర్ దర్శకత్వం వహించనుండగా, తెలుగు, తమిళ భాషల్లో తెరకెక్కనుంది.
|
|