పాకిస్తాన్ లో విడుదలై ‘కేజీయఫ్’ రికార్డు
cinema | Suryaa Desk | Published : Mon, Jan 14, 2019, 04:31 PM
దేశంలోని అన్ని భాషల్లోనూ విడుదలై కనకవర్షం కురిపిస్తున్న ‘కేజీయఫ్’ మరో సంచలనం సృష్టించిన విషయం విదితమే.. పాకిస్థాన్లో విడుదలైన తొలి కన్నడ సినిమాగా రికార్డులకెక్కింది. ఈ సినిమా హిందీ వెర్షన్ను లాహోర్, ఇస్లామాబాద్లలోని మల్టిప్లెక్స్లలో శుక్రవారం విడుదల చేశారు. అక్కడ కూడా ప్రజాదరణ పొందడం విశేషం. కన్నడ సూపర్ స్టార్ యశ్ హీరో కాగా.. ప్రశాంత్ నీల్ డైరెక్ట్ చేశాడు. మొత్తం రెండు భాగాలుగా ఈ సినిమా రూపొందింది. తొలి భాగం గత డిసెంబర్లో రిలీజ్ చేయగా.. రెండో భాగాన్ని వచ్చే నెలలో విడుదల చేసేందుకు సన్నాహాలు చేస్తున్నారు. ఈ సినిమాతో యశ్ ఒక్క దక్షిణాదిలోనే కాక.. ఉత్తరాదిలోనూ సూ పర్ క్రేజ్ సంపాదించాడు. కన్నడ సినీ చరిత్రలోనే భారీ బడ్జెట్ సినిమా ‘కేజీయఫ్’. దేశవ్యాప్తంగా 2400 థియేటర్లలో సినిమా రిలీజ్ అవ్వగా.. 200 కోట్ల రూపాయల పైబడి వసూళ్లు రాబట్టింది. యూఎస్లోనూ మంచి వసూళ్లు సాధించింది. హిందీ డబ్బింగ్ సినిమాల్లో అత్యధికంగా వసూళ్లు రాబట్టిన నాలుగో చిత్రంగా ‘కేజీయఫ్’ నిలిచింది.
|
|