మరికొన్ని గంటల్లోనే నెట్ ఫ్లిక్స్ లో మొదలు కానున్న "ధమాకా"
cinema | Suryaa Desk | Published : Sat, Jan 21, 2023, 06:49 PM
మాస్ రాజా రవితేజ హీరోగా, యంగ్ బ్యూటీ శ్రీలీల హీరోయిన్ గా, నక్కిన త్రినాధరావు డైరెక్షన్లో రూపొందిన మాస్ కమర్షియల్ యాక్షన్ ఎంటర్టైనర్ "ధమాకా". రీసెంట్గానే ధియేటర్లకొచ్చిన ఈ సినిమా ప్రేక్షకుల నుండి విశేష ప్రశంసలందుకుంటుంది.ఖిలాడీ, రామారావు ఆన్ డ్యూటీ బ్యాక్ టు బ్యాక్ డిజాస్టర్ల్నిచిన రవితేజ నుండి ధమాకా వచ్చి, మాస్ రాజా ఫ్యాన్స్ ను ఆనందోత్సాహాల్లో ముంచెత్తుతుంది. పీపుల్ మీడియా ఫ్యాక్టరీ బ్యానర్ పై టీజీ విశ్వప్రసాద్ నిర్మించిన ఈ చిత్రానికి భీమ్స్ సంగీతం అందించారు.
ధమాకా డిజిటల్ స్ట్రీమింగ్ హక్కులను ప్రముఖ నెట్ ఫ్లిక్స్ సంస్థ సొంతం చేసుకున్న విషయం తెలిసిందే కదా. ఈ నేపథ్యంలో గతంలో నెట్ ఫ్లిక్స్ చేసిన అధికారిక ప్రకటన మేరకు ఈ రోజు అర్ధరాత్రి పన్నెండు గంటల నుండి ధమాకా స్ట్రీమింగ్ కాబోతుంది. సో, ఈ కామెడీ యాక్షన్ ఎంటర్టైనర్ మళ్ళీ చూడాలనుకునే వాళ్ళు, తొలిసారి చూడాలనుకునే వాళ్ళు ...బీ రెడీ.
|
|