'ఎన్టీఆర్ 30'లో కథానాయికగా సీత రామం బ్యూటీ
cinema | Suryaa Desk | Published : Mon, Feb 13, 2023, 03:46 PM
కొరటాల శివ డైరెక్షన్ లో టాలీవుడ్ యంగ్ టైగర్ జూనియర్ ఎన్టీఆర్ "ఎన్టీఆర్ 30" సినిమాలో నటిస్తున్న విషయం అందరికి తెలిసిందే. ఈ చిత్రం ప్రస్తుతం ప్రీ ప్రొడక్షన్ దశలో ఉంది. ఏప్రిల్ 2024లో సినిమాను విడుదల చేసేందుకు మూవీ మేకర్స్ ప్లాన్ చేస్తున్నారు. కొన్ని రోజులుగా బాలీవుడ్ బ్యూటీ జాన్వీ కపూర్ ఈ సినిమాలో కథానాయికగా నటిస్తుందని వార్తలు వినిపిస్తున్నాయి. అయితే ఇప్పుడు తాజగా ఈ చిత్రంలో మరో ప్రధాన నటికి స్కోప్ ఉందని కొత్త గాసిప్ సోషల్ మీడియాలో చక్కర్లు కొడుతుంది.
తాజా అప్డేట్ ప్రకారం, సీతా రామం నటి మృణాల్ ఠాకూర్‌ను ఈ సినిమాలో మహిళా ప్రధాన పాత్ర పోషించడానికి చిత్ర బృందం సంప్రదించగా, ఈ బిగ్గీలో నటించడానికి గ్లామర్ బ్యూటీ అంగీకరించినట్లు ఫిలిం సర్కిల్ లో లేటెస్ట్ టాక్. ఇటీవలి Q&Aసెషన్‌లో, నటి 'నాని 30' తో పాటు తెలుగులో మరో బిగ్గీని కూడా అంగీకరించినట్లు ధృవీకరించింది.
సౌత్ ఇండియన్ మ్యూజిక్ సెన్సేషన్ అనిరుధ్ రవిచందర్ ఈ సినిమాకి మ్యూజిక్ కంపోజ్ చేస్తున్నట్లు సమాచారం. కళ్యాణ్ రామ్, ఎన్టీఆర్ ఆర్ట్స్ బ్యానర్‌తో కలిసి యువసుధ ఆర్ట్స్ బ్యానర్ ఎ ఈ సినిమాని నిర్మిస్తున్నారు.
|
|