త్వరలోనే 'ఏజెంట్' మ్యూజికల్ అప్డేట్
cinema | Suryaa Desk | Published : Sat, Feb 18, 2023, 06:37 PM
సురేందర్ రెడ్డి డైరెక్షన్ లో టాలీవుడ్ యంగ్ హీరో అఖిల్ అక్కినేని 'ఏజెంట్' సినిమాలో నటిస్తున్న సంగతి అందరికి తెలిసిందే. ఈ హై బడ్జెట్ యాక్షన్ థ్రిల్లర్ మూవీలో మలయాళ మెగాస్టార్ మమ్ముట్టి కీలక పాత్రలో కనిపించనున్నారు. తాజాగా ఈ రోజు మహాశివరాత్రి శుభ సందర్భంగా స్పై థ్రిల్లర్ ఏజెంట్ మూవీ టీమ్ కొత్త పోస్టర్ను ఆవిష్కరించారు. పోస్టర్లో అఖిల్ రగ్డ్ అండ్ స్టైలిష్ అవతార్లో కనిపిస్తున్నాడు. కోలీవుడ్ స్వరకర్త హిప్హాప్ తమిజా కంపోస్ చేసిన ఏజెంట్ యొక్క మొదటి సింగిల్ త్వరలో విడుదలకి సిద్ధమవుతోందని పోస్టర్ వెల్లడించింది.
స్పై థ్రిల్లర్ ట్రాక్ లో వస్తున్న ఈ సినిమాలో అఖిల్ సరసన సాక్షి వైద్య నటిస్తుంది. అందరూ ఎంతో ఆసక్తిగా ఎదురుచూస్తున్న ఈ క్రేజీ పాన్ ఇండియా ప్రాజెక్ట్ ఏప్రిల్ 28, 2023న విడుదలకు సిద్ధంగా ఉంది. ఎకె ఎంటర్టైన్మెంట్స్, సురేందర్ 2 సినిమా పతాకాలపై రామబ్రహ్మం సుంకర ఈ సినిమాని నిర్మిస్తున్నారు. సెన్సేషనల్ మ్యూజిక్ కంపోజర్ హిప్ హాప్ తమిజా సంగీతంఅందిస్తున్నారు.
|
|