లేటెస్ట్ : టైటానిక్ ని బీట్ చేసిన అవతార్ 2
cinema | Suryaa Desk | Published : Mon, Feb 20, 2023, 09:52 AM
అనుకున్నదే జరుగుతుంది. అత్యధిక కలెక్షన్లు సాధించిన సినిమాల లిస్టులో అవతార్ 2 మూవీ కొంచెం కొంచెంగా పైకెక్కుతుంది. పదమూడేళ్ల సుదీర్ఘ విరామం తదుపరి ప్రేక్షకుల ముందుకొచ్చిన అవతార్ సీక్వెల్ కి వరల్డ్ వైడ్ గా ప్రేక్షకలోకం నుండి థండరింగ్ రెస్పాన్స్ వస్తుంది. గతేడాది క్రిస్మస్ కానుకగా డిసెంబర్ 16న 160 భాషల్లో విడుదలైన అవతార్ : ది వే ఆఫ్ వాటర్ మూవీ విడుదలై రెండు నెలలు కావొస్తున్నా, గ్లోబల్ బాక్సాఫీస్ వద్ద ఏమాత్రం స్లో అవ్వట్లేదు. ఇప్పటికీ కొన్ని దేశాల్లో అవతార్ 2 టాప్ టెన్ మూవీస్ లో ఒకటిగా రన్ అవుతుందంటే, ఆడియన్స్ లో ఈ సినిమా ప్రభావం ఎంతలా ఉందో అర్ధం అవుతుంది.
తాజాగా అవతార్ 2 (2.244B)కలెక్షన్లు ఐకానిక్ టైటానిక్(2.243B) మూవీ కలెక్షన్లను క్రాస్ చేసి, ప్రపంచంలో అత్యధిక కలెక్షన్లు సాధించిన మూడవ సినిమాగా నిలిచింది. దీంతో ఫోర్త్ ప్లేస్ లోకి కల్ట్ క్లాసిక్ టైటానిక్ పడిపోయింది. ఇక మొదటి రెండు స్థానాలలో అవతార్ 1(2.923B), ఎవెంజర్స్ ఎండ్ గేమ్(2.799B) సినిమాలున్నాయి.
|
|