ముచ్చటగా మూడోసారి కూడా ప్రభాస్ కోసం అతనేనా?
cinema | Suryaa Desk | Published : Sun, Feb 26, 2023, 07:15 PM
పాన్ ఇండియా సూపర్ స్టార్ ప్రభాస్ ప్రస్తుతం సలార్, ప్రాజెక్ట్ కే, డైరెక్టర్ మారుతి తో సినిమాలు చేస్తున్నారు. వీటిలో సలార్ షూటింగ్ ఫైనల్ స్టేజ్ లో ఉండగా, ప్రాజెక్ట్ కే 70శాతం షూటింగ్ పూర్తి చేసుకుంది. ఇక, ఇటీవలే రహస్యంగా డైరెక్టర్ మారుతి మూవీ మొదలైంది.
డైరెక్టర్ మారుతితో ప్రభాస్ నటిస్తున్న సినిమాకు సంబంధించి రకరకాల వార్తలు సోషల్ మీడియాలో హల్చల్ చేస్తున్నాయి. వాటిలో ఆసక్తికరమైన వార్త ఒకటుంది. అదేంటంటే, ప్రభాస్ తో ముచ్చటగా మూడోసారి సత్యరాజ్ నటించబోతున్నారనే వార్త. మిర్చి, బాహుబలి సినిమాలలో ప్రభాస్ కి సపోర్ట్ ఇస్తూ కీరోల్స్ లో నటించిన సత్యరాజ్ ఇప్పుడు తాజాగా ఈ సినిమాలో కూడా నటించబోతున్నట్టు తెలుస్తుంది. ఐతే, ప్రభాస్ కి తాతయ్యలా ఈ పాత్ర ఉండబోతుందంట. అదీకాక ఈ పాత్ర కోసం బాలీవుడ్ నటుడు సంజయ్ దత్ పేరు కూడా వినిపిస్తుంది. మరి, వీరిద్దరిలో మేకర్స్ ఎవరికీ ఓటేశారు? అన్నది తెలియాల్సి ఉంది.
|
|