హ్యాకర్లు తెలివిగా మార్ఫింగ్ చేశారు : హన్సిక

ఒక అమీ జాక్సన్.. ఒక అక్షర హాసన్.. ఇప్పుడు ఒక హన్సిక మొత్వాని. ఒకరి తర్వాత ఒకరివి పర్సనల్ ఫొటోలు లీకవడం సంచలనం రేపింది. అందులోనూ హన్సిక లాంటి స్టార్ హీరోయిన్ ఫొటోలు లీకవడం చర్చనీయాంశంగా మారింది. తన ఫోన్, ట్విట్టర్ అకౌంట్ హ్యాక్ అయ్యాయని.. డ్యామేజ్ కంట్రోల్ జరుగుతోందని హన్సిక ఇటీవలే ఒక ట్వీట్ చేసింది. అంతకుమించి ఆమె ఏమీ మాట్లాడలేదు. ఈ ఫొటోలు ఒరిజనలా కాదా.. ఒరిజినల్ అయితే అలాంటి ఫొటోలు ఎందుకు తీసుకోవాల్సి వచ్చింది అన్నది ఆమె వెల్లడించలేదు.

ఐతే హన్సిక ఇలాంటి ఫొటోలు తీసుకోవాల్సిన అవసరం ఏమొచ్చిందంటూ సోషల్ మీడియాలో జనాలు హన్సిక మీద విమర్శలు గుప్పించారు. ఐతే తాజాగా ఒక నేషనల్ ఇంగ్లిష్ డైలీతో ఇంటర్వ్యూలో ఈ ఫొటోల లీక్ గురించి ఆమె స్పందించింది. ఇటీవల లీక్ అయిన ఫొటోల్లో కొన్ని ఒరిజినలే అని ఆమె చెప్పింది.

తాను ఒక ఇన్నర్ వేర్ బ్రాండ్ కోసం బికినీ ఫొటో షూట్ చేసినట్లు హన్సిక వెల్లడించింది. అది తన వ్యక్తిగత విషయం అని.. తన ఛాయిస్ అని.. ఈ విషయంలో తనను ఎవరూ తప్పుబట్టడానికి లేదని హన్సిక చెప్పింది. ఈ ఫొటో షూట్ నాలుగేళ్ల కిందట జరిగిందని వెల్లడించింది. కానీ బయటికి వచ్చిన ఫొటోలు అన్నీ ఒరిజినల్ కాదని హన్సిక తెలిపింది. కొన్నింటిని హ్యాకర్లు తెలివిగా మార్ఫింగ్ చేశారని అంది. తాను కావాలనే పబ్లిసిటీ కోసం ఈ ఫొటోలు లీక్ చేసినట్లుగా వస్తున్న ఆరోపణలపై ఆమె మండి పడింది. అటెన్షన్ కోసం ఇలాంటి చీప్ ట్రిక్స్ ప్లే చేయాల్సిన అవసరం తనకు లేదని అంది.

తాను ముందు నుంచి లో ప్రొఫైల్ మెయింటైన్ చేసే అమ్మాయినని.. ఇప్పుడు కొత్తగా ఇలాంటి ట్రిక్స్ ఎందుకు చేస్తానని ఆమె ప్రశ్నించింది. తన ప్రైవసీ గురించి ఆలోచించకుండా ఇలా ఫొటోలు లీక్ చేయడం దారుణమని హన్సిక ఆవేదన వ్యక్తం చేసింది.