కన్నీళ్లు పెట్టుకున్న పూనమ్ కౌర్

సినిమాల ద్వారా కంటే సోషల్ మీడియా పోస్ట్ ల ద్వారా పాపులర్ అయిన సెలబ్రిటీలలో పూనమ్ కౌర్ ఒకరు. తాజాగా హీరోయిన్ పూనమ్ కౌర్ కంటతడి పెట్టుకోవడం సోషల్ మీడియాలో హాట్ టాపిక్ అవుతోంది.అంతర్జాతీయ మహిళా దినోత్సవ వేడుకల్లో పాల్గొన్న పూనమ్ తాను తెలంగాణ బిడ్డనని నన్ను దూరం చేయొద్దని కామెంట్ చేశారు. నా మతం పేరు చెప్పి నన్ను వెలివేయొద్దని ఆమె చెప్పుకొచ్చారు. నేను తెలంగాణ బిడ్డనే అని చెబుతూ ఆమె కంటతడి పెట్టుకున్నారు. ముంబై నుంచి వచ్చిన వాళ్లకు మాత్రమే సినిమా రంగంలో ఎక్కువగా ప్రాధాన్యత దక్కుతోందని ఆమె అభిప్రాయం వ్యక్తం చేశారు. ప్రత్యేక తెలంగాణ రాష్ట్రం ఏర్పడిన తర్వాత కూడా అన్యాయం జరుగుతోందని పూనమ్ అన్నారు. 

ప్రీతి ఆత్మహత్య ఘటన విషయంలో న్యాయం జరగాలని ఆమె కామెంట్లు చేయడం గమనార్హం. నా మతం పేరు చూపించి నన్ను వెలివేస్తున్నారని ఆమె ఎమోషనల్ అయ్యారు. నేను పంజాబీని అని సిక్కు అని తెలంగాణ నుంచి వేరు చేయొద్దని తాను హైదరాబాద్ లోనే పుట్టానని ఆమె అన్నారు. పూనమ్ కౌర్ కంటతడి పెట్టడం గమనార్హం. అయితే పూనమ్ కౌర్ ఇంతలా ఎమోషనల్ కావడానికి రీజన్ ఏంటనే ప్రశ్నకు మాత్రం సమాధానం దొరకాల్సి ఉంది. పూనమ్ కౌర్ ప్రస్తుతం సినిమాలకు కూడా దూరంగా ఉంటున్నారు. పూనమ్ కౌర్ సోషల్ మీడియాలో మాత్రం యాక్టివ్ గా ఉంటున్నారు. కెరీర్ పరంగా ఆమె బిజీ అయితే బాగుంటుందని కామెంట్లు వినిపిస్తున్నాయి. పూనమ్ కౌర్ తెలుగులో నటించిన సినిమాలు తక్కువే అయినా ఆ సినిమాలు కమర్షియల్ గా సక్సెస్ సాధించలేదు. పూనమ్ కౌర్ రాజకీయాల్లోకి వస్తే బాగుంటుందని కొంతమంది చెబుతున్నారు. సామాజిక అంశాలకు సంబంధించి పూనమ్ స్పందించే తీరుపై ప్రశంసలు వ్యక్తమవుతున్నాయి.