పిక్ స్టోరీ : బ్లాక్ & బ్లాక్ డిజైనర్ డ్రెస్ లో సమంత
cinema | Suryaa Desk | Published : Sat, Feb 02, 2019, 12:18 PM
సమంత రూత్ ప్రభు పరిచయం అవసరం లేని పేరు. అటు హీరోయిన్ గా టాప్ ప్లేస్ లో ఉంటూ ఇటు అక్కినేని ఫ్యామిలికి కోడలు గా జీవితాన్ని హ్యాపీ గా బ్యాలన్స్ చేస్తుంది. సమంత-నాగచైతన్య ఇప్పటివరకూ మూడు చిత్రాల్లో నటించారు. కానీ పెళ్లి తర్వాత వీరిద్దరూ కలిసి నటిస్తున్న చిత్రం 'మజిలీ'. ఈ చిత్రం ఫై అటు అక్కినేని అభిమానులకే కాక ఇటు సగటు సినిమా ప్రేక్షకులకు కూడా భారీ అంచనాలు ఉన్నాయి.
ఈ అక్కినేని అమ్మడు 2019లో బ్లాక్ బస్టర్ తో సత్తా చాటాలన్న పంతంతో నటిస్తోందిట. మధ్య తరగతి కష్టాలు - ఎమోషన్స్ కి వాల్టేర్ (వైజాగ్) రైల్వే స్టేషన్ కి మధ్య ఉన్న సంబంధం ఏంటి? అన్నది తెరపై చూడాల్సిందేనని శివ నిర్వాణ చెబుతున్నారు. వాల్టేర్ రైల్వే స్టేషన్ లో కీలక సన్నివేశాల్ని తెరకెక్కించినప్పటి ఫోటోలు సామాజిక మాధ్యమాల్లో జోరుగా వైరల్ అయ్యాయి. ఈ సినిమాతో పాటు కొరియన్ సినిమా `మిస్ గ్రానీ` రీమేక్ లో ప్రయోగాత్మక పాత్రలో నటించేందుకు సామ్ ప్రిపరేషన్ లో ఉంది. 60 ఏళ్ల వృద్ధురాలు యువతిగా మారాలని కలగంటే ఏమవుతుంది? అన్నదే కాన్సెప్ట్.
ఓవైపు షూటింగ్ లతో బిజీగా ఉన్నా ఫోటోషూట్లకు సరిపడినంత సమయం కేటాయిస్తూ సామాజిక మాధ్యమాల్లో వాటిని పోస్ట్ చేస్తూ నిరంతరం అభిమానులకు టచ్ లో ఉంటున్నారు సామ్. లేటెస్ట్ గా బ్లాక్ & బ్లాక్ డిజైనర్ డ్రెస్ లో సామ్ ఫోటోషూట్ యువతరాన్ని ఆకర్షిస్తోంది. బ్లాక్ డ్రెస్ లో దేవకన్యనే తలపిస్తోంది సామ్. గొడుగు లాంటి ఫ్రాకులో సామ్ ముచ్చటగా ఒదిగిపోయింది. ఈ ఫోటోని ఇప్పటికే ఐదున్నర లక్షల మంది సామాజిక మాధ్యమాల్లో వీక్షించారు.
సామ్ నటిస్తున్న మజిలీ ఇక రిలీజ్ కి రెడీ అవుతోంది. ప్రస్తుతం ప్రమోషన్ కార్యక్రమాలతో వేడి పెంచనున్నారని తెలుస్తోంది. అలాగే మరోవైపు తదుపరి సినిమాలకు సంబంధించిన కథల్ని వింటోందిట. చైతూ - సమంత కాంబినేషన్ లో మరిన్ని చిత్రాలకు సంతకాలు చేసే ఆలోచన ఉందిట
|
|