రాగి రొట్టె, జొన్న రొట్టె, మిల్లెట్ రోటీ కొలెస్ట్రాల్ తగ్గడానికి ఏ రొట్టె మంచిది

​రొటీలు మన ఇండియన్ ఫుడ్‌లో ముఖ్య భాగం. ఇండియాలో చాలా మంది రోటీలను తింటారు. ఇది కడుపు నిపంపడమే కాదు, ఆరోగ్యాన్ని కూడా పెంచుతుంది. ఈ రోటీలలో కూడా మనకి జొన్న రొట్టె, రాగి రొట్టె, మిల్లెట్ రొట్టె, మొక్కజొన్న రొట్టె ఇలా ఎన్నో రకాల రొట్టెలు ఉన్నాయి. ఇవన్నీ కూడా ఒకే ప్రయోజనాన్ని అందించవు. ఒక్కో రొట్టె తినడం వల్ల ఒక్కో లాభం ఉంటుంది. కాబట్టి, ఏ రొట్టె తింటే ఏ లాభమో చెబుతున్నారు డాక్టర్ అమిత్. ఆ వివరాలు తెలుసుకోండి.

గోధుమరొట్టె

ఎక్కువగా తినే రొట్టెల్లో గోధుమ రొట్టె కూడా ఒకటి. అది మంచిది కాదని చెబుతారు. గోధుమల్ని ప్రాసెస్ చేసినప్పుడు అందులో ఫైబర్ తగ్గుతుంది. చక్కెర స్థాయిలు పెరుగుతాయి. దీని గ్లైసెమిక్ ఇండెక్స్ చిరుధాన్యాల కంటే ఎక్కువగా ఉంటుంది. అందువల్ల గోధుమరొట్టెతో కొద్దిగా సోయా, శనగల్ని కలిపి తీసుకోవడం మంచిది.

మిల్లెట్స్ రోటి తింటే

చలికాలంలో మిల్లెట్ రోటీ తినడం కూడా చాలా మంచిది. దీని వల్ల బాడీ వెచ్చగా ఉంటుంది. అంతేకాకుండా, ఎక్కువ మొత్తంలో ఫైబర్, ఐరన్‌లు అందుతాయి. మిల్లెట్ రోటీ తింటే మలబద్ధకం, ఉబ్బరం తగ్గుతుంది. అయితే, మంచిది కదా అని ఎక్కువగా తినొద్దు. వారానికి రెండు సార్లు మాత్రమే మిల్లెట్స్‌ని తినడం అలవాటు చేసుకోండి.

మొక్కజొన్న రొట్టె

మొక్కజొన్నలతో చేసిన రొట్టె కూడా చలికాలంలో ఎక్కువగా తింటారు. దీనికి కారణం ఇందులో ఫైబర్ పుష్కలంగా ఉండడమే. కానీ, కార్బోహైడ్రేట్స్ కూడా ఉంటాయి. దీంతో త్వరగా షుగర్ లెవల్స్ పెరుగుతాయి. అయితే, జీర్ణం కావడానికి కాస్తా కష్టంగా మారి గ్యాస్, బరువు పెరగడానికి కారణమవుతుంది. కాబట్టి, తక్కువగా తినాలి.

జొన్న రొట్టె

జొన్న రొట్టెల్లో సంక్లిష్ట కార్బోహైడ్రేట్స్ పుష్కలంగా ఉంటాయి. ఇందులో కూడా గ్లైసెమిక్ ఇండెక్స్ తక్కువగా ఉంటుంది. దీని వల్ల కడుపులో నెమ్మదిగా జీర్ణమవుతుంది. దీనిని తినడం వల్ల షుగర్ లెవల్స్ ఒక్కసారిగా పెరగవు. దీనిని తినడం వల్ల మరో లాభమేంటంటే కొలెస్ట్రాల్‌ని తగ్గిస్తుంది. బరువు పెరుగుతున్నామనే భయమున్నవారు ఈ రొట్టెని తినడం మంచిది.

రాగి రోటి

రాగి రొట్టె అనేది హెల్దీ ఆప్షన్. ఎందుకంటే రాగుల్లో గ్లైసెమిక్ ఇండెక్స్ తక్కువగా ఉంటుంది. ఫైబర్ ఎక్కువగా ఉంటుంది. బరువు తగ్గడానికి, రక్తంలో చక్కెర తగ్గేందుకు, బలమైన ఎముకలకి, జీర్ణక్రియకి, దీర్ఘకాలిక శక్తికి, మంచి నిద్రకి, పిల్లల పెరుగుదలకి రాగి రొట్టె చాలా మంచిది. ఇందులో కాల్షియం పుష్కలంగా ఉంటుంది. కాబట్టి, ఇది బెస్ట్ రోటీ.

బియ్యం రొట్టె

బియ్యం రొట్టెలో కూడా ఫైబర్ తక్కువగా ఉంటుంది. గ్లైసెమిక్ ఇండెక్స్ ఉంటుంది. చక్కెర స్పీడ్‌గా పెరుగుతుంది. దీన్ని తిన్న వెంటనే ఆకలిగా అనిపిస్తుంది. డయాబెటిస్, PCOS ఉన్నవారు దీనికి దూరంగా ఉండాలి.