'దసరా' సెన్సార్ కట్ పై లేటెస్ట్ అప్డేట్
cinema | Suryaa Desk | Published : Sat, Mar 25, 2023, 05:52 PM
శ్రీకాంత్ ఓదెల దర్శకత్వంలో నేచురల్ స్టార్ నాని "దసరా" సినిమాలో నటిస్తున్న సంగతి అందరికి తెలిసిందే. ఈ సినిమాలో నాని సరసన కీర్తి సురేష్ జోడిగా నటిస్తుంది. ఈ సినిమా సెన్సార్ కార్యక్రమాలను పూర్తి చేసుకుని యు/ఎ సర్టిఫికెట్ పొందిన సంగతి తెలిసిందే. ఈ సినిమా రన్టైమ్ 2 గంటల 39 నిమిషాలకు లాక్ చేయగా, సినిమా చూసిన సెన్సార్ బోర్డ్ సభ్యులు మేకర్స్కి కొన్ని కట్లు సూచించినట్లు సమాచారం. పొగతాగడం, మద్యపానం ఆరోగ్యానికి హానికరం అనే హెచ్చరిక ఫాంట్ను పెంచాలని మూవీ టీమ్ ని కోరినట్లు టాక్.
ఈ సినిమా]మార్చి 30, 2023న ప్రపంచవ్యాప్తంగా తెలుగు, తమిళం, కన్నడ, మలయాళం, హిందీ భాషల్లో విడుదల కానుంది. యాక్షన్ డ్రామాగా ట్రాక్ లో వస్తున్న ఈ సినిమాలో సముద్రఖని, సాయి కుమార్, జరీనా వహాబ్ కీలక పాత్రలలో నటిస్తున్నారు. శ్రీ లక్ష్మీ వెంకటేశ్వర సినిమాస్ బ్యానర్పై సుధాకర్ చెరుకూరి ఈ సినిమాని నిర్మిస్తున్నారు. సంతోష్ నారాయణన్ సంగీతం అందిస్తున్నారు.
|
|