'ఏజెంట్' థియేట్రికల్ ట్రైలర్‌ లాంచ్ అప్పుడేనా?
cinema | Suryaa Desk | Published : Fri, Apr 14, 2023, 08:22 PM
సురేందర్ రెడ్డి డైరెక్షన్ లో టాలీవుడ్ యంగ్ హీరో అఖిల్ అక్కినేని 'ఏజెంట్' సినిమాలో నటిస్తున్న సంగతి అందరికి తెలిసిందే. స్పై థ్రిల్లర్ ట్రాక్ లో వస్తున్న ఈ సినిమాలో అఖిల్ సరసన సాక్షి వైద్య నటిస్తుంది. తాజా బజ్ ప్రకారం, ఏప్రిల్ 18, 2023న కాకినాడలో ఈ సినిమా థియేట్రికల్ ట్రైలర్‌ను లాంచ్ చేయనున్నట్లు సమాచారం. అయితే ఈ విషయానికి సంబంధించిన అధికారిక ప్రకటన త్వరలో మూవీ మేకర్స్ నుండి వెలువడనుంది.
ఈ హై బడ్జెట్ యాక్షన్ థ్రిల్లర్ మూవీలో మలయాళ మెగాస్టార్ మమ్ముట్టి కీలక పాత్రలో కనిపించనున్నారు. అందరూ ఎంతో ఆసక్తిగా ఎదురుచూస్తున్న ఈ క్రేజీ పాన్ ఇండియా ప్రాజెక్ట్ ఏప్రిల్ 28, 2023న విడుదలకు సిద్ధంగా ఉంది. ఎకె ఎంటర్‌టైన్‌మెంట్స్, సురేందర్ 2 సినిమా పతాకాలపై రామబ్రహ్మం సుంకర ఈ సినిమాని నిర్మిస్తున్నారు. సెన్సేషనల్ మ్యూజిక్ కంపోజర్ హిప్ హాప్ తమిజా సంగీతం అందిస్తున్నారు.
|
|