నెట్ఫ్లిక్స్ ఇండియా చార్ట్‌లలో అగ్రస్థానంలో నాని 'దసరా'
cinema | Suryaa Desk | Published : Sat, Apr 29, 2023, 08:52 PM
శ్రీకాంత్ ఓదెల దర్శకత్వంలో నేచురల్ స్టార్ నాని నటించిన "దసరా" సినిమా మార్చి 30, 2023న ప్రపంచవ్యాప్తంగా తెలుగు, తమిళం, కన్నడ, మలయాళం, హిందీ భాషల్లో విడుదల అయ్యి బాక్స్ఆఫీస్ వద్ద సూపర్ హిట్ గా నిలిచింది. ఈ సినిమా యొక్క డిజిటల్ స్ట్రీమింగ్ రైట్స్ ని నెట్ఫ్లిక్స్ సొంతం చేసుకున్న సంగతి అందరికి తెలిసిందే. ఈ చిత్రం ఏప్రిల్ 27, 2023న నెట్‌ఫ్లిక్స్‌లో డిజిటల్ స్ట్రీమింగ్ కి అందుబాటులోకి వచ్చింది.
తాజాగా ఇప్పుడు, నెట్ఫ్లిక్స్ ఇండియా మూవీస్ విభాగంలో దసరా ప్రస్తుతం అగ్రస్థానంలో ఉంది. తెలుగు వెర్షన్ ట్రెండింగ్‌లో మొదటి స్థానంలో ఉండగా, తమిళ వెర్షన్ మూడో స్థానంలో నిలిచింది. ఈ సినిమాలో నాని సరసన కీర్తి సురేష్ జోడిగా నటిస్తుంది. యాక్షన్ డ్రామా ట్రాక్ లో వచ్చిన ఈ సినిమాలో ధీక్షిత్ శెట్టి, షైన్ టామ్ చాకో, పూర్ణ, ఝాన్సీ, సాయి కుమార్, సముద్రఖని, జరీనా వహాబ్ కీలక పాత్రలలో నటిస్తున్నారు. శ్రీ లక్ష్మీ వెంకటేశ్వర సినిమాస్ బ్యానర్‌పై సుధాకర్ చెరుకూరి ఈ సినిమాని నిర్మిస్తున్నారు. సంతోష్ నారాయణన్ సంగీతం అందిస్తున్నారు.
|
|