జూనియర్ ఎన్టీఆర్ 'దేవర'లో ప్రముఖ మాలీవుడ్ నటుడు
cinema | Suryaa Desk | Published : Wed, Jun 21, 2023, 04:32 PM
కొరటాల శివ డైరెక్షన్ లో టాలీవుడ్ యంగ్ టైగర్ జూనియర్ ఎన్టీఆర్ ఒక చిత్రాన్ని ప్రకటించిన విషయం అందరికి తెలిసిందే. ఈ పాన్-ఇండియన్ చిత్రానికి 'దేవర' అనే టైటిల్ ని మూవీ మేకర్స్ లాక్ చేసారు. తాజాగా ఈరోజు, నాని యొక్క దసరాలో విలన్‌గా నటించిన మరియు నాగ శౌర్య యొక్క రంగబలిలో కనిపించబోతున్న మాలీవుడ్ నటుడు షైన్ టామ్ చాకో జూనియర్ ఎన్టీఆర్ దేవరలో కూడా కనిపించనున్నట్లు ప్రకటించారు. తన ఇన్‌స్టాగ్రామ్ స్టోరీలో ఫ్యాన్ మేడ్ పోస్టర్‌ను పంచుకున్నాడు. ఈ చిత్రంలో అతను కీలక పాత్ర పోషిస్తున్నట్లు సూచిస్తుంది. ప్రస్తుతం దేవర సినిమా షూటింగ్ హైదరాబాద్‌లో జరుగుతోంది.
ఈ సినిమాలో జూనియర్ ఎన్టీఆర్ సరసన బాలీవుడ్ బ్యూటీ జాన్వీ కపూర్ జోడిగా నటిస్తుంది. ఈ చిత్రం ఏప్రిల్ 5, 2024న విడుదల కానుంది. సౌత్ ఇండియన్ మ్యూజిక్ సెన్సేషన్ అనిరుధ్ రవిచందర్ ఈ సినిమాకి మ్యూజిక్ కంపోజ్ చేస్తున్నట్లు సమాచారం. కళ్యాణ్ రామ్, ఎన్టీఆర్ ఆర్ట్స్ బ్యానర్‌తో కలిసి యువసుధ ఆర్ట్స్ బ్యానర్ ఎ ఈ సినిమాని నిర్మిస్తున్నారు.
|
|
