'గుంటూరు కారం' గురించిన లేటెస్ట్ బజ్
cinema | Suryaa Desk | Published : Wed, Jun 21, 2023, 04:36 PM
టాలీవుడ్ సూపర్ స్టార్ మహేష్ బాబు దర్శకుడు త్రివిక్రమ్ కాంబినేషన్ లో సినిమా వస్తుంది అని అందరికి తెలిసిన విషయమే. ఈ మూవీకి 'గుంటూరు కారం' అని టైటిల్ మూవీ మేకర్స్ లాక్ చేసారు. నటి పూజా హెగ్డే ఈ ప్రాజెక్ట్ నుండి తప్పుకున్నట్లు గత రెండు రోజులుగా సోషల్ మీడియాలో పుకార్లు వినిపిస్తున్నాయి. అయితే నటి లేదా చిత్ర బృందం ఈ పుకార్లను ధృవీకరించలేదు.
తాజా గాసిప్ ప్రకారం, పూజా హెగ్డే స్థానంలో విరూపాక్షలో తన పాత్రకు పేరుగాంచిన సంయుక్త ని ఈ సినిమాలో మెయిన్ లీడ్ గా తీసుకోవటానికి త్రివిక్రమ్ ఆలోచిస్తున్నట్లు సమాచారం. అయితే మూవీ టీమ్ నుంచి అధికారిక ప్రకటన రావాల్సి ఉంది. జగపతిబాబు విలన్‌గా నటిస్తున్న ఈ సినిమాలో శ్రీలీల కూడా ఒక కీలక పాత్రలో నటిస్తోంది.
ఈ చిత్రం జనవరి 13, 2024న ప్రపంచవ్యాప్తంగా గ్రాండ్‌ విడుదలకి సిద్ధంగా ఉంది. ఫ్యామిలీ ఎంటర్‌టైనర్‌ ట్రాక్ లో రానున్న ఈ సినిమాని హారిక అండ్ హాసిని క్రియేషన్స్ నిర్మిస్తుంది. ఈ సినిమాకి థమన్ సంగీతం అందిస్తున్నారు.
|
|