ట్రెండింగ్
సర్జరీ చేయించుకోనున్న టాలీవుడ్ స్టార్ హీరో
cinema | Suryaa Desk | Published : Wed, Jul 19, 2023, 10:31 AM
టాలీవుడ్ స్టార్ హీరో సాయిధరమ్ తేజ్ సర్జరీ చేసుకోనున్నారు. ‘బ్రో’ ప్రచార కార్యక్రమంలో సాయిధరమ్ తేజ్ మాట్లాడుతూ.. ‘సినిమాలకు కొద్ది రోజులు బ్రేక్ ఇవ్వాలని అనుకుంటున్నాను. రాబోయే సినిమాల అప్‌డేట్ గురించి ప్రేక్షకుల నుంచి ఎలాంటి ఫిర్యాదులు రాకుండా ముందుగానే ఈ విషయాన్ని చెబుతున్నాను. శారీరక ఆరోగ్యంపై పూర్తిగా శ్రద్ధ తీసుకుంటానని, చిన్న సర్జరీ చేయించుకుని మరింత ఆరోగ్యంగా తిరిగి వస్తాను. ఆరు నెలలపాటు సినిమాకు దూరంగా ఉంటాను.’ అని ఆయన అన్నారు.
మెగా హీరో సాయిధరమ్ తేజ్, పవర్‌స్టార్ పవన్ కళ్యాణ్ కలిసి నటించిన ‘బ్రో’ మూవీ ఈ నెల 28న విడుదలకు సిద్ధమైంది. ఇప్పటికే ప్రమోషన్స్ మొదలవగా.. లేటెస్ట్ ఇంటర్వ్యూలో సాయిధరమ్ తేజ్ తన హెల్త్ కండిషన్ గురించి సీక్రెట్ రివీల్ చేశారు. జులైన 28న ఫ్యాన్స్‌తో కలిసి ‘బ్రో’ సినిమా చూస్తానని తేజు వెల్లడించారు. కాగా.. కేతికా శర్మ, ప్రియా ప్రకాష్ ఫిమేల్ లీడ్స్‌గా నటించిన చిత్రానికి థమన్ మ్యూజిక్ అందించారు.
|
|