అభిమానుల ఆవేదన..నేడు శ్రీదేవి తొలి వర్ధంతి
cinema | Suryaa Desk | Published : Sun, Feb 24, 2019, 03:00 PM
బాలనటిగా, యువనటిగా, ప్రౌఢనటిగా కొన్నితరాలను అలరించిన శ్రీదేవి మరణం ఇప్పటికీ అభిమానులకు నమ్మలేని నిజం. అందానికే అందంలా ఉండే శ్రీదేవి.. దేవతలా కోట్లాది మంది అభిమానుల గుండెల్లో కొలువుదీరారు. అంతటి అందం సరిగ్గా ఇదే రోజున 2018 ఫిబ్రవరి 24న అందరినీ దుఃఖంలో ముంచేస్తూ కనుమరుగైపోయారు. బాత్ టబ్లో ప్రమాదవశాత్తు పడి చనిపోయారు. తారాలోకం, సామాన్య జనం అందరూ ఆమె జ్ఞాపకాల్లో మునిగిపోయారు. శ్రీదేవి గారాలపట్టి జాన్వీ మొదలుకొని ఆమెకు అతిపెద్ద ఫ్యాన్ ఆర్జీవీ వరకు ఎంతోమంది సోషల్ మీడియా వేదికగా ఆమెను గుర్తు చేసుకుంటూ ఘనంగా నివాళులు అర్పిస్తున్నారు.
ఇదిలా ఉంటే ఆమె చివరిసారిగా కనిపించిన వీడియో విపరీతంగా వైరల్ అవుతోంది. బోనీ కపూర్, శ్రీదేవి 22వ వివాహ వార్షికోత్సవం సందర్భంగా జూన్ 2న ఆమె అధికారిక ట్విట్టర్లో బోనీ కపూర్ ఓ వీడియోను ట్వీట్ చేశారు. ఆమె మరణానికి ముందు దుబాయ్లో జరిగిన వివాహ వేడుకలో పాల్గొన్నప్పటి వీడియో అది. నవ్వుతూ.. ఎంతో సరదాగా కనిపించారు శ్రీదేవి. నేడు(ఫిబ్రవరి 24) ఆమె తొలి వర్ధంతి కావడంతో మరోసారి ఆ వీడియోను పెద్ద ఎత్తున రీట్వీట్ చేస్తున్నారు నెటిజన్లు.
|
|