సంక్రాంతి రేసులో 'సాలార్'?
cinema | Suryaa Desk | Published : Thu, Sep 07, 2023, 09:13 PM
ప్రశాంత్ నీల్ డైరెక్షన్ లో టాలీవుడ్ యంగ్ రెబల్ స్టార్ ప్రభాస్ 'సాలార్' సినిమాలో నటిస్తున్న సంగతి అందరికి తెలిసిందే. ప్రస్తుతం భారతదేశంలో అత్యధికంగా ఎదురుచూస్తున్న చిత్రాలలో సాలార్ ఒకటి. ఈ చిత్రం సెప్టెంబర్ 28, 2023న విడుదల చేయడానికి సిద్ధంగా ఉంది, కానీ ఇప్పుడు ఈ సినిమా నిరవధికంగా వాయిదా పడినట్లు వార్తలు వినిపిస్తున్నాయి. కొన్ని రోజులుగా ఈ చిత్రం నవంబర్‌లో థియేటర్లలోకి వస్తుందని మరికొందరు 2024 సంక్రాంతికి విడుదల చేయాలని మూవీ మేకర్స్ ప్లాన్ చేస్తున్నట్లు లక్ష్యంగా పెట్టుకున్నారని వార్తలు వినిపిస్తున్నాయి. లేటెస్ట్ బజ్ ప్రకారం, ఈ పాన్ ఇండియా సినిమా జనవరి 12, 2024న విడుదల కానుందని ఆన్లైన్ లో పుకారు షికార్లు చేస్తుంది.
యాక్షన్ థ్రిల్లర్ ట్రాక్ లో వస్తున్న ఈ సినిమాలో ప్రభాస్ సరసన శృతి హాసన్ నటిస్తుంది. ఈ సినిమాలో గోపీ, జగపతిబాబు, పృథ్వీరాజ్ సుకుమారన్, ఈశ్వరీ రావు, పొగరు ఫేమ్ శ్రీయా రెడ్డి, బ్రహ్మాజీ కీలక పాత్రలో కనిపించనున్నారు. ఈ చిత్రాన్ని హోంబలే ఫిల్మ్స్ పతాకంపై విజయ్ కిరగందూర్ నిర్మిస్తున్నారు.
|
|