OTT విడుదల వాయిదా పడిన 'ఏజెంట్'
cinema | Suryaa Desk | Published : Fri, Sep 29, 2023, 07:47 PM
సురేందర్ రెడ్డి డైరెక్షన్ లో టాలీవుడ్ యంగ్ హీరో అఖిల్ అక్కినేని నటించిన 'ఏజెంట్' సినిమా యొక్క డిజిటల్ స్ట్రీమింగ్ రైట్స్ ని సోనీ లివ్ సొంతం చేసుకున్న సంగతి అందరికి తెలిసిందే. ఈ స్పై యాక్షన్ థ్రిల్లర్ సోనీ LIV ప్లాట్ఫారమ్లో సెప్టెంబర్ 29న డిజిటల్ స్ట్రీమింగ్ కి అందుబాటులోకి రానున్నట్లు మూవీ మేకర్స్ ప్రకటించారు. నిర్మాత మరియు డిస్ట్రిబ్యూటర్స్ మధ్య కొనసాగుతున్న చట్టపరమైన వివాదాల కారణంగా ఈ సినిమా విడుదల వాయిదా పడింది. OTT ప్లాట్ఫారమ్లో ఏజెంట్ ప్రీమియర్ కోసం ఆత్రుతగా ఎదురుచూస్తున్నందున ఈ ఆలస్యం చాలా మంది అభిమానులను నిరాశపరిచింది.
ఈ సినిమాలో అఖిల్ సరసన సాక్షి వైద్య నటిస్తుంది. ఈ హై బడ్జెట్ యాక్షన్ థ్రిల్లర్ మూవీలో మలయాళ మెగాస్టార్ మమ్ముట్టి కీలక పాత్రలో కనిపించనున్నారు. ఎకె ఎంటర్టైన్మెంట్స్, సురేందర్ 2 సినిమా పతాకాలపై రామబ్రహ్మం సుంకర ఈ సినిమాని నిర్మిస్తున్నారు. సెన్సేషనల్ మ్యూజిక్ కంపోజర్ హిప్ హాప్ తమిజా సంగీతం అందిస్తున్నారు.
|
|