ఆ మిస్టేక్ బోయపాటి ఎలా చేసాడు
cinema | Suryaa Desk | Published : Fri, Nov 03, 2023, 03:48 PM
రామ్ పోతినేని, బోయపాటి శ్రీను దర్శకత్వం లో వచ్చిన 'స్కంద' ఇప్పుడు ఓటిటిలో స్ట్రీమింగ్ అవుతున్న సంగతి తెలిసిందే. ఈ సినిమా సెప్టెంబర్ 28న థియేటర్స్ లో విడుదలైన సంగతి తెలిసిందే. ఈ సినిమా టిపికల్ బోయపాటి మార్కు వున్న ఒక యాక్షన్ చిత్రం. ఈ సినిమా కోసం రామ్ పోతినేని కొంచెం బరువు పెరిగిన విషయం కూడా తెలిసిందే. శ్రీలీల కథానాయకురాలిగా చేసింది. ఈ సినిమాకి మిక్సెడ్ రివ్యూస్ వచ్చాయి. థియేటర్స్ లో ఈ సినిమా వ్యాపారపరంగా అంతగా నడవలేదు. ఓటిటి లో విడుదలయ్యాక చాలామంది చూస్తున్నారు ఈ సినిమాని, అలాగే సాంఘీక మాధ్యమంలో ఈ సినిమాలో ఒక చిన్న తప్పు దొర్లింది, దాని మీద ట్రోలింగ్ చేస్తున్నారు. ఇంతకీ ఆ తప్పు ఏంటంటే, రామ్ పోతినేని సినిమాలో తెలంగాణ ముఖ్యమంత్రి ఇంటికి వచ్చాక ఒక పెద్ద పోరాటసన్నివేశంలో పాల్గొంటాడు. ఆ సన్నివేశంలో రామ్ ఒక ఆఫీసర్ ని పిస్తోలుతో కాల్చేస్తాడు. కానీ విచిత్రంగా అదే ఆఫీసర్ మళ్ళీ ఆ ముఖ్యమంత్రి వెనకాల కనపడతాడు. అంటే ఎడిటింగ్ లో చూసుకోకపోవటం వలన ఇదొక పెద్ద తప్పుగా దొర్లింది. ఇక నెటిజన్స్ వెంటనే ఈ తప్పుని పట్టుకొని ట్రోలింగ్ చెయ్యడం మొదలెట్టేసాడు.
|
|
