‘సైంధవ్’ పోస్టర్ విడుదల
cinema | Suryaa Desk | Published : Wed, Nov 15, 2023, 04:10 PM
2024లో విడుదలవుతున్న మోస్ట్ ఎవైటెడ్ పాన్ ఇండియా ప్రాజెక్ట్‌లలో విక్టరీ వెంకటేష్ 75వ ల్యాండ్‌మార్క్ చిత్రం ‘సైంధవ్’ ఒకటి. శైలేష్ కొలను దర్శకత్వం వహించిన ఈ చిత్రం రాబోయే సంక్రాంతికి విడుదలకు సిద్ధమవుతోంది. ఇప్పటికే ప్రచార పోస్టర్స్‌తో దూసుకెళుతోన్న ఈ సినిమా నుండి.. నవంబర్ 14, చిల్డ్రన్స్ డే‌ని పురస్కరించుకుని.. మేకర్స్ శుభాకాంక్షలు తెలుపుతూ ఓ స్పెషల్ పోస్టర్‌ని విడుదల చేశారు. ఈ పోస్టర్‌లో బేబీ సారాని బైక్ పై స్కూల్‌కి తీసుకెళ్తూ చిరునవ్వుతో కనిపించారు వెంకటేష్. ఇది చిల్డ్రన్స్ డే‌కి పర్ఫెక్ట్ పోస్టర్‌గా అందరినీ అలరిస్తోంది. ఈ సినిమాకు సంబంధించి ఇప్పటికే విడుదలైన ‘సైంధవ్’ టీజర్ నేషనల్ వైడ్‌గా మంచి స్పందనను రాబట్టుకున్న విషయం తెలిసిందే. శైలేష్ కొలను, వెంకటేష్‌ని మునుపెన్నడూ లేని ఇంటెన్స్ అవతార్‌లో ప్రెజెంట్ చేశారని ప్రశంసలు అందుకున్నారు. నవంబర్ 21న సినిమా ఫస్ట్ సింగిల్-రాంగ్ యూసేజ్‌ లాంచ్ ద్వారా మ్యూజికల్ జర్నీని కిక్ స్టార్ట్ చేయనున్నారు మేకర్స్. సెన్సేషనల్ కంపోజర్ సంతోష్ నారాయణన్ ఈ చిత్రం కోసం చార్ట్ బస్టర్ ఆల్బమ్‌ని కంపోజ్ చేసినట్లుగా యూనిట్ చెబుతోంది.
|
|
