USAలో $1.7 మిలియన్‌ మార్క్ ని క్రాస్ చేసిన 'సాలార్'
cinema | Suryaa Desk | Published : Thu, Dec 21, 2023, 02:58 PM
ప్రశాంత్ నీల్ డైరెక్షన్ లో టాలీవుడ్ యంగ్ రెబల్ స్టార్ ప్రభాస్ 'సాలార్' సినిమాలో నటిస్తున్న సంగతి అందరికి తెలిసిందే. USAలో సాలార్ అడ్వాన్స్ బుకింగ్‌లు వారం రోజుల క్రితం ప్రారంభమయ్యాయి. ఫస్ట్ డే ఫస్ట్ షో టిక్కెట్‌లు హాట్ కేకుల్లా అమ్ముడయ్యాయి. తాజా ట్రేడ్ అప్‌డేట్‌ల ప్రకారం, US ప్రీ-సేల్స్ నుండి సాలార్ ఇప్పటికే $1.7 మిలియన్లను వసూలు చేసింది. ప్రీమియర్స్‌కి ఇంకా ఒక రోజు మాత్రమే మిగిలి ఉన్నందున ఈ చిత్రం ప్రీ-సేల్స్‌తో $2 మిలియన్ల క్లబ్‌లోకి ప్రవేశిస్తుంది అని అంచనా వేస్తున్నారు.
యాక్షన్ థ్రిల్లర్ ట్రాక్ లో వస్తున్న ఈ సినిమాలో ప్రభాస్ సరసన శృతి హాసన్ నటిస్తుంది. ఈ సినిమాలో గోపీ, జగపతిబాబు, పృథ్వీరాజ్ సుకుమారన్, ఈశ్వరీ రావు, పొగరు ఫేమ్ శ్రీయా రెడ్డి, బ్రహ్మాజీ కీలక పాత్రలో కనిపించనున్నారు. ఈ పాన్ ఇండియా సినిమా డిసెంబర్ 22న తెలుగు, తమిళం, కన్నడ, మలయాళం మరియు హిందీ భాషల్లో ప్రేక్షకుల ముందుకు రాబోతుంది. ఈ చిత్రాన్ని హోంబలే ఫిల్మ్స్ పతాకంపై విజయ్ కిరగందూర్ నిర్మిస్తున్నారు.
|
|