కన్నడ స్టార్ హీరో సుదీప్కి అరెస్ట్ వారెంట్..
cinema | Suryaa Desk | Published : Thu, Mar 28, 2019, 08:35 PM
ఈగ, బాహుబలి వంటి చిత్రాలలో నటించిన సుదీప్ సైరాలో కూడా ముఖ్య పాత్ర పోషిస్తున్నాడు. అయితే ఆయన తాజాగా ఇబ్బందులలో పడ్డాడు. కాఫీ ఎస్టేట్ వివాదంలో కోర్టుకి హాజరు కాకుండా తప్పించుకు తిరుగుతున్నాడనే ఆరోపణ రావడంతో ఆయనకి చిక్ మంగళూరు కోర్టు నాన్ బెయిలబుల్ వారెంట్ జారీ చేసింది. మే 22 లోగా ఆయనని కోర్టు ముందు హాజరు పరచాలని కర్ణాటక పోలీసులని ఆదేశించింది జెఎంఎఫ్సీ కోర్టు. వివరాలలోకి వెళితే సుదీప్ గతంలో వారసదార అనే టీవీ షో నిర్వహించాడు. దీని కోసం ఓ ఎస్టేట్ని అద్దెకు తీసుకున్నారు. ఎస్టేట్ ఉపయోగించుకునే విషయంలో 80 లక్షల రూపాయల ఒప్పందం కుదుర్చుకున్న సుదీప్ ముందుగా 50 వేలు అడ్వాన్స్ ఇచ్చి మిగతా సొమ్ముల్ని ఎగ్గొట్టారని కర్ణాటక చిక్మంగళూరులోని కాఫీ ప్లాంటేషన్ యజమాని దీపక్ పటేల్ ఫిర్యాదు చేశారు. కాఫీ తోటలని, 1.5 కోట్ల విలువైన తన ఆస్తిని ధ్వంసం చేశారని దీపిక్ ఆరోపించారు. ఒప్పందం ప్రకారం ఇవ్వాల్సిన మనీని ఇవ్వకుండా తనని సుదీప్ మోసం చేశారని జిల్లా ఎస్పీని దీపక్ ఆశ్రయించారు. ఆయన సలహా మేరకు కోర్టులో పిటీషన్ దాఖలు చేసారు. సుదీప్, ఆయనకు చెందిన ప్రొడక్షన్ హౌస్ కిచ్చా క్రియేషన్స్పైనా, డైరెక్టర్ మహేష్లపై కేసు నమోదైంది. ప్రస్తుతం సుదీప్కి అరెస్ట్ వారెంట్ జారీ చేయడం శాండల్ వుడ్ నాట హాట్ టాపిక్గా మారింది. కన్నడ స్టార్ హీరో సుదీప్ తెలుగు ప్రేక్షకులకి చాలా సుపరిచితం.
|
|