టీడీపీలో చేరేందుకు మీరెంత ప్యాకేజీ తీసుకున్నారు? అలీ
cinema | Suryaa Desk | Published : Thu, Apr 04, 2019, 10:43 PM
రోజురోజుకు ఎండలతో పాటు ఎన్నికల వేడి కూడా బాగా రాజుకుంటోంది. వైసీపీ, జనసేన, తెలుగు దేశం పార్టీ నాయకులు ఒకరిమీద మరొకరు విమర్శలు సంధిస్తున్నారు. ఇక విషయానికి వస్తే టాలీవుడ్లో సీనియర్ కమెడియన్ అలీ. ఈయన జనసేనాని పవన్కళ్యాణ్కి వీరాభిమానే కాదు.. మంచి స్నేహితుడు కూడా. తనకి నటించే సమయంలో భయం వేస్తే పక్కనే అలీ ఉంటే ధైర్యంగా ఉంటుందని పలుసార్లు పవన్ స్వయంగా చెప్పుకొచ్చారు. ఇక అలీ విషయానికి వస్తే ఆయన తనకు ఎన్నికల్లో పోటీ చేసి మంత్రి పదవి చేపట్టాలని ఉందనే కోరికను చాలాసార్లు వినిపించారు. అంతా ఆయన జనసేనలో చేరడం గ్యారంటీ అనుకున్నారు. అలీ కూడా అటు పవన్ని, ఇటు చంద్రబాబులను కూడా కలిసి చాలా సేపు రహస్యంగా మాట్లాడారు. కానీ అంతలోనే ఏమైందో ఏమో గానీ ఆయన వైసీపీ కండువా కప్పుకున్నారు. పోనీ వైసీపీ అయినా అలీకి సీటు ఇచ్చిందా? అంటే లేదనే చెప్పాలి. ఇక విషయానికి వస్తే నిన్నటి బాపు బొమ్మ దివ్యవాణి ప్రస్తుతం టిడిపి పార్టీలో ఉన్నారు. తాజాగా ఆమె మాట్లాడుతూ, అలీ ప్యాకేజీ తీసుకునే వైసీపీలోకి చేరాడని విమర్శలు సంధించారు. ఈ వ్యాఖ్యలపై అలీ కూడా ఘాటుగానే స్పందించాడు. ప్యాకేజీ తీసుకున్నట్లు మీరేమైనా చూశారా? లేక సెల్ఫీ తీశారా? టీడీపీలో చేరేందుకు మీరెంత ప్యాకేజీ తీసుకున్నారో చెప్పండి అని విరుచుకుపడ్డాడు. మొత్తానికి ఈ ఎన్నికల్లో రాజకీయనాయకుల వ్యాఖ్యలే కాదు.. సినీ పరిశ్రమకి చెందిన వారు కూడా ఘాటుగానే వ్యాఖ్యలు చేస్తూ వేడిని రాజేస్తున్నారు.
|
|