కీర్తి సురేష్ హిట్ కొడుతుందంటారా..?
cinema | Suryaa Desk | Published : Mon, Jan 29, 2024, 04:44 PM
మ‌హాన‌టి సినిమాతో దేశవ్యాప్తంగా బాగా క్రేజ్ తెచ్చుకున్న కీర్తి సురేష్ కెరీర్ ఒక్క అడుగు ముందుకేస్తే రెండ‌డుగులు వెనుక‌కు అన్న‌ట్లుగా ఉంది. 2023లో తెలుగులో ద‌స‌రా, భోళా శంక‌ర్‌ రెండు సినిమాలు, త‌మిళంలో మామ‌న్న‌న్ అనే మూడు సినిమాలు చేయ‌గా ఈ యేడు తెలుగులో ఇప్ప‌టికీ ఒక్క సినిమా కూడా సంత‌కం చేయ‌క‌పోవ‌డం గ‌మ‌నార్హం. గ‌ర్ల్ నెక్ట్స్ డోర్ వంటి క్యారెక్ట‌ర్ల‌తో మొద‌లు పెట్టి నిత్యం వైవిధ్య‌భ‌రిత పాత్ర‌ల‌ను చేసుకుంటూ త‌న‌కంటూ ఓ ప్ర‌త్యేక గుర్తింపు తెచ్చుకున్న ఈ ముద్దుగుమ్మ ప్ర‌స్తుతం బాలీవుడ్ మీద దృష్టి పెట్టింది. ఇప్ప‌టికే తేరి అనే త‌మిళ సినిమా బాలీవుడ్ రిమేక్ బేబీ జాన్‌లో వ‌రుణ్ దావ‌న్‌తో క‌లిసి న‌టిస్తుండ‌గా, ఓ వెబ్ సిరీస్‌లోనూ న‌టిస్తోంది. అదే విధంగా త‌మిళంలో ర‌ఘు తాత, రివాల్వ‌ర్ రిటా, సైరెన్‌, క‌న్నివేడి వంటి నాలుగు చిత్రాల‌లో న‌టిస్తోంది కీర్తి సురేష్ . ఇప్ప‌టివ‌ర‌కు సౌత్ ఇండియా అన్ని ఇండస్ట్రీల‌లోను మంచి పాపులారిటీని సంపాదించుకున్న ఈ న‌టికి ఫ్యాన్ బేస్ భారీగానే ఉండ‌గా సోష‌ల్ మీడియాలోను చాలా యాక్టివ్‌గా ఉంటుంది. అయితే ఈ ఫ్యాన్స్ విష‌యంలోనే తాజాగా ఓ వార్త నెట్టింట బాగా వైర‌ల్ అవుతున్న‌ది.
|
|