'టిల్లు స్క్వేర్' పై లేటెస్ట్ బజ్
cinema | Suryaa Desk | Published : Fri, Mar 15, 2024, 03:23 PM
టాలీవుడ్ యంగ్ అండ్ టాలెంటెడ్ యాక్టర్ సిద్ధు జొన్నలగడ్డ ప్రస్తుతం సూపర్ హిట్ మూవీ డిజె టిల్లుకు సీక్వెల్ ని ప్రకటించిన సంగతి అందరికి తెలిసిందే. ఈ సినిమాకి 'టిల్లు స్క్వేర్' అనే టైటిల్ ని లాక్ చేసారు. ఈ సినిమా ట్రైలర్ సినిమాపై అంచనాలను పెంచింది. ఈ చిత్రం మార్చి 29, 2024న విడుదల కానుంది.
విడుదలకు కేవలం రెండు వారాలు మాత్రమే మిగిలి ఉన్నందున ఈ చిత్రానికి సంబంధించిన ప్రొమోషన్స్ ని మూవీ మేకర్స్ ఇంకా ప్రారంభించలేదు. ఒక నెల క్రితమే ట్రైలర్‌ను లాంచ్ చేసినప్పటికీ, ప్రీమియర్‌కి సంబంధించిన పాటలు, టీజర్‌లు లేదా పోస్టర్‌లు వంటి అదనపు ప్రమోషనల్ కంటెంట్ ని మూవీ టీమ్ ఇంకా విడుదల చేయలేదు.
ఈ చిత్రంలో అనుపమ పరమేశ్వరన్ సిద్ధూకు జోడిగా కనిపించనుంది. ఈ థ్రిల్లింగ్ మూవీకి రామ్ మిరియాల సంగీత అందిస్తున్నారు. మల్లిక్ రామ్ దర్శకత్వం వహిస్తున్న ఈ చిత్రాన్ని సితార ఎంటర్‌టైన్‌మెంట్స్ మరియు ఫార్చ్యూన్ ఫోర్ సినిమాస్ సంయుక్తంగా నిర్మిస్తున్నాయి.
|
|
