తాజాగా రోబో 2.0 పోస్టర్ విడుదల
cinema | Suryaa Desk | Published : Thu, Oct 26, 2017, 12:14 PM
ఆడియో వేడుకతోనే ప్రపంచం మొత్తాన్ని 2.0 సినిమా వైపు చూసేలా ప్లాన్ చేస్తున్నాడు దర్శకుడు శంకర్. ఆస్కార్ విజేత ఏఆర్ రెహ్మాన్ సంగీత సారథ్యంలో రూపుదిద్దుకున్న 2.0 ఆడియోని ప్రపంచ ప్రసిద్ధ 7 స్టార్ హోటల్ బుర్జ్ దుబాయ్లో చాలా గ్రాండ్గా నిర్వహించేందుకు లైకా భారీ ఏర్పాట్లు చేస్తోంది. ఇప్పటికే చిత్ర యూనిట్ దుబాయ్ చేరుకోగా కొద్ది క్షణాలలో ప్రెస్ మీట్ కూడా ఏర్పాటు చేయనుంది. అంతర్జాతీయ మీడియాతో చిత్ర బృందం పలు విషయాలపై మాట్లాడనుంది. రేపు జరిగే ఆడియో వేడుక లో 125 సింఫొనీ కళాకారులతో కలిసి ఏఆర్ రెహ్మాన్ సంగీత విభావరి ఉంటుందని తెలుస్తోంది. దుబాయ్ రాజు ఈ వేడుకకు ముఖ్య అతిథిగా హాజరయ్యే అవకాశం ఉంది. అలాగే ఈ వేడుకలో పాల్గొనాల్సిందిగా కమల్హాసన్ని దర్శకుడు శంకర్ కలిసి అభ్యర్థించినట్లు సమాచారం. అయితే రోజుకో పోస్టర్ తో సినిమా మీద హైప్ పెంచుతున్న దర్శకుడు శంకర్, తాజాగా రజనీ లుక్ ను రివీల్ చేస్తూ ఓ పోస్టర్ ను తన సోషల్ మీడియా పేజ్ లో పోస్ట్ చేశాడు. ఈ పిక్ అభిమానులని ఎంతగానో అలరిస్తుంది.
|
|