'డబుల్ ఇస్మార్ట్' నైజాం రైట్స్ ని సొంతం చేసుకున్న ప్రముఖ బ్యానర్
cinema | Suryaa Desk | Published : Tue, Aug 13, 2024, 02:35 PM
పూరీ జగన్నాధ్ దర్శకత్వంలో టాలీవుడ్ యంగ్ అండ్ టాలెంటెడ్ హీరో రామ్ పోతినేని ఇస్మార్ట్ శంకర్ సీక్వెల్ ని ప్రకటించిన సంగతి అందరికి తెలిసిందే. ఈ సినిమాకి మూవీ మేకర్స్ 'డబుల్ ఇస్మార్ట్' అనే టైటిల్ ని లాక్ చేసారు. తాజాగా మూవీ మేకర్స్ ఈ సినిమా యొక్క నైజాం రైట్స్ ని ప్రైమ్ షో ఫిలిమ్స్ సొంతం చేసుకున్నట్లు ప్రకటించారు. ఈ విషయాన్ని తెలియజేసేందుకు మూవీ మేకర్స్ సోషల్ మీడియాలో సరికొత్త పోస్టర్ ని విడుదల చేసారు. ఈ సినిమాలో రామ్ సరసన కావ్యా థాపర్ నటించింది. ఈ చిత్రంలో బన్ని జె, అలీ, గెటప్ శ్రీను, సాయాజీ షిండే, మకరంద్ దేశ్‌పాండే మరియు టెంపర్ వంశీ వంటి ప్రముఖ నటీనటులు కీలక పాత్రలు పోషిస్తున్నారు. ఈ చిత్రం తెలుగుతో పాటు హిందీ, తమిళం, కన్నడ మరియు మలయాళంతో సహా పలు భాషల్లో విడుదల కానుంది. ఈ చిత్రం ఆగస్ట్ 15, 2024న విడుదలకు సిద్ధంగా ఉంది. పూరి కనెక్ట్స్ బ్యానర్‌పై నిర్మించిన డబుల్ ఇస్మార్ట్ చిత్రానికి మణిశర్మ సంగీతం అందించారు.
|
|