మెగా ఆఫర్‌ను తిరస్కరించిన శ్రీలీల?

మెగాస్టార్ చిరంజీవి తన తదుపరి చిత్రాన్ని బింబిసార సినిమాతో ప్రఖ్యాతి గాంచిన వసిష్ఠ మల్లిడి దర్శకత్వంలో చేస్తున్నట్లు ప్రకటించిన సంగతి అందరికి తెలిసిందే. సోషియో-ఫాంటసీ థ్రిల్లర్ ట్రాక్ లో రానున్న ఈ చిత్రానికి 'విశ్వంబర' అనే టైటిల్ ని మూవీ మేకర్స్ లాక్ చేసారు. ఈ చిత్రం ప్రస్తుతం నిర్మాణ దశలో ఉంది. వీఎఫ్‌ఎక్స్ వర్క్‌కు తగినంత సమయం ఉండేలా ఆగస్టు నాటికి మొత్తం షూట్‌ను ముగించాలని టీమ్ ప్లాన్ చేస్తోంది. ఈ చిత్రంలో భారీ VFX ఉంటుంది కాబట్టి, VFX పని కోసం భారీ బడ్జెట్ కేటాయించబడింది. విశ్వంబర గ్రాఫిక్స్‌పై పలు టాప్ వీఎఫ్‌ఎక్స్ కంపెనీలు పనిచేస్తున్నాయి. అయితే ఈ సినిమా తుది దశకు చేరుకుందని ఇందులో ఓ స్పెషల్ ఐటెం నంబర్ ఉండబోతోందని వార్తలు వస్తున్నాయి. ఒక ప్రత్యేక పాట కోసం మేకర్స్ శ్రీలీలని సంప్రదించారని అయితే ఆమె ఆ ఆఫర్‌ను తిరస్కరించి అందరికీ షాక్ ఇచ్చిందని ఫిల్మ్ సర్కిల్స్‌లో లేటెస్ట్ టాక్. పెద్ద మొత్తంలో ఆఫర్లు వచ్చిన శ్రీలీల మాత్రం ఆ ఆఫర్‌కి నో చెప్పిందనేది గాసిప్ ఇప్పుడు వైరల్ అవుతుంది. చిరంజీవి సినిమాను తిరస్కరించడం జోక్ కాదు కాబట్టి ఈ వార్త ముఖ్యాంశాలుగా మారింది. ఈ చిత్రంలో చిరంజీవికి జోడిగా త్రిష కృష్ణన్ నటిస్తుంది. ఆషికా రంగనాథ్, రమ్య పసుపులేటి, ఈషా చావ్లా, అశ్రిత వేముగంటి నండూరి మరియు కునాల్ కపూర్‌ల ఈ సినిమాలో కీలక పత్రాలు పోషిస్తున్నారు. ఈ సినిమాకి అకాడమీ అవార్డ్-విజేత MM కీరవాణి సంగీతాన్ని అందిస్తున్నారు. విశ్వంబర జనవరి 10, 2025న థియేటర్లలోకి రావడానికి సిద్ధంగా ఉంది. UV క్రియేషన్స్ భారీ స్థాయిలోఈ చిత్రాన్ని నిర్మిస్తుంది.