నెటిజన్లపై ఫైర్ అయిన ప్రియాంక చోప్రా
cinema | Suryaa Desk | Published : Fri, Jun 07, 2019, 03:17 PM
గ్లోబల్ స్టార్ ప్రియాంకా చోప్రా తన కంటే వయసులో దాదాపు పన్నెండేళ్లు చిన్నవాడైన నిక్ జోనాస్ను వివాహం చేసుకున్న సంగతి తెలిసిందే. ఈ వివాహం విషయంలో ప్రియాంక చాలా విమర్శలను ఎదుర్కొంది. విదేశీ యువకుడితో వివాహానికి సిద్దపడిందని, తన కంటే పన్నెండేళ్లు చిన్నవాడైన యువకుడిని మాయ చేసి పెళ్ళి చేసుకుంటోందని అప్పట్లో విమర్శలు వచ్చాయి.
తాజాగా ఓ అమెరికన్ మ్యాగజైన్కు ఇచ్చిన ఇంటర్వ్యూలో తన వివాహం గురించి ప్రియాంక మాట్లాడింది. `నా పెళ్లి గురించి చాలా మంది తమ నోటికొచ్చిన చెత్తంతా వాగారు. ఇప్పటికీ మాట్లాడుతూనే ఉన్నారు. నా కంటే వయసులో చాలా చిన్నవాడైన వ్యక్తిని పెళ్లి చేసుకున్నందుకు చాలా మంది విమర్శించారు. నేను పెళ్లి చేసుకోబోయే వ్యక్తి వయసులో నాకంటే పెద్దవాడై ఉంటే మాత్రం ఎవరూ పట్టించుకునేవారు కాదు. వివాహ బంధంలో స్త్రీల వయసు తక్కువగానే ఉండాలని ఎవరు నిర్ణయించారు` అంటూ ప్రియాంక ప్రశ్నించింది.
|
|